AKP ភ្នំពេញ ថ្ងៃទី០៨ ខែកញ្ញា ឆ្នាំ២០២៦--គណៈប្រតិភូកាកបាទក្រហមកម្ពុជា ចំនួន៤រូប ចូលរួមកិច្ចប្រជុំថ្នាក់ដឹកនាំកាកបាទក្រហម និងអឌ្ឍចន្ទក្រហមភូមិភាគអាស៊ី-អាគ្នេយ៍លើកទី២៣ និងវេទិកាយុវជនលើកទី៥ នៅទីក្រុងយ៉ាងហ្គូន ប្រទេសមីយ៉ាន់ម៉ា ដែលកាកបាទក្រហមមីយ៉ាន់ម៉ា ធ្វើជាម្ចាស់ផ្ទះ ចាប់ពីថ្ងៃទី៧-៩ ខែកញ្ញា ឆ្នាំ២០២៦នេះ។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានចាត់ឱ្យគណៈប្រតិភូកាកបាទក្រហមកម្ពុជា ចំនួន ៤រូប ដឹកនាំដោយ ឯកឧត្តម យូ ឡាណា អគ្គលេខាធិការរងទី២ ចូលរួមកិច្ចប្រជុំថ្នាក់ដឹកនាំកាកបាទក្រហម និងអឌ្ឍចន្ទក្រហមភូមិភាគអាស៊ី-អាគ្នេយ៍លើកទី២៣ និងវេទិកាយុវជនលើកទី៥ នៅទីក្រុងយ៉ាងហ្គូន ប្រទេសមីយ៉ាន់ម៉ា ដែលកាកបាទក្រហមមីយ៉ាន់ម៉ា ធ្វើជាម្ចាស់ផ្ទះ ព្រមទាំងមានការចូលរួមពីថ្នាក់ដឹកនាំ មន្ត្រី យុវជននៃសមាគមជាតិភូមិភាគអាស៊ី-អាគ្នេយ៍ទាំង១១, ប្រតិភូគណៈកម្មាធិការអន្តរជាតិនៃកាកបាទក្រហម (ICRC) និងសហព័ន្ធអន្តរជាតិនៃសមាគមកាកបាទក្រហម និងអឌ្ឍចន្ទក្រហម (IFRC) ចូលរួមផងដែរ។

គណៈប្រតិភូ ក៏បានចូលរួមក្នុងវេទិកាមនុស្សធម៌ ក្រោមប្រធានបទ “រួមគ្នាក្នុងសកម្មភាពមនុស្សធម៌៖ ការកសាងអនាគតប្រសើរជាងមុន - Unity in Humanitarian Action: Building a Better Tomorrow” ទៀតផង៕

ដោយ៖ ពេជ្រ សំអឿន(ប្រភព៖កាកបាទក្រហមកម្ពុជា)