AKP ភ្នំពេញ ថ្ងៃទី០៥ ខែសីហា ឆ្នាំ២០២៦ -- យោធាកូរ៉េខាងត្បូង បានផ្លាស់ប្តូរការផ្តោតការយកចិត្តទុកដាក់របស់ខ្លួនពីការដាក់កំហុសទៅជាការទប់ស្កាត់ការកើតឡើងវិញ បន្ទាប់ពីការស៊ើបអង្កេតផ្ទៃក្នុងទៅលើការកំណត់អត្តសញ្ញាណខុសកាលពីសប្តាហ៍មុនទៅលើយន្តហោះគ្មានមនុស្សបើករបស់កងម៉ារីនអាម៉េរិក ដែលបានរកឃើញចំណុចខ្វះខាតនៃនីតិវិធីនៅភាគីទាំងពីរ។

អគ្គសេនាធិការចម្រុះ (JCS) បានសន្និដ្ឋានថា ការបរាជ័យរបស់កូរ៉េខាងត្បូង និងសហរដ្ឋអាមេរិក បានរួមចំណែកដល់ឧប្បត្តិហេតុនេះ ដែលយន្តហោះគ្មានមនុស្សបើករបស់សហរដ្ឋអាមេរិកដែលហោះហើរក្នុងអំឡុងពេលសមយុទ្ធទ្វេភាគីត្រូវបានយល់ច្រឡំថាជាយន្តហោះដែលមិនស្គាល់អត្តសញ្ញាណ ដែលបង្កឱ្យមានការឆ្លើយតបប្រឆាំងយន្តហោះគ្មានមនុស្សបើកកម្រិតខ្ពស់បំផុតរបស់កងយោធា។

ការរកឃើញទាំងនេះបានជំរុញឱ្យមានវិធានការតាមដានដែលមានគោលបំណងពង្រឹងការសម្របសម្រួលដែនអាកាស ខណៈដែលការទទួលខុសត្រូវបញ្ជាការកាន់តែទូលំទូលាយក៏ត្រូវបានពិនិត្យមើលឡើងវិញផងដែរ៕

ដោយ៖ យា ចិន្ដាខន្ដី (ប្រភព៖ កូរ៉េថាមស៍)