AKP ភ្នំពេញ ថ្ងៃទី៣១ ខែកក្កដា ឆ្នាំ២០២៦ -- នៅសាលាបណ្ឌិត្យសភាសេដ្ឋកិច្ចស្វ៊ីស្សតូវ មាននិស្សិតអន្តរជាតិ និងបេក្ខជនបណ្ឌិតចំនួន ៦៥នាក់មកពី ២៣ប្រទេសកំពុងចុះឈ្មោះចូលរៀន រួមទាំង ២៤នាក់មកពីរដ្ឋជាសមាជិកសហភាពអឺរ៉ុប។ នេះបើយោងតាមមជ្ឈមណ្ឌលកិច្ចការអន្តរជាតិរបស់សាកលវិទ្យាល័យបានប្រាប់សារព័ត៌មាន BTA។

ស្ថាប័ននិស្សិតអន្តរជាតិ រួមមាននិស្សិតមកពីប្រទេសអូទ្រីស អាល្លឺម៉ង់ចិន ម៉ុលដាវី ព័រទុយហ្គាល់ រុស្ស៊ី និងទុយនីស៊ី។ សាលាបណ្ឌិត្យសភាបានកត់សម្គាល់ថា ខ្លួនបានបំពេញគោលដៅចុះឈ្មោះចូលរៀនថ្នាក់បរិញ្ញាបត្ររបស់ខ្លួនជាប់លាប់ក្នុងប៉ុន្មានឆ្នាំថ្មីៗនេះ ដោយនិស្សិតបរទេសកំពុងសិក្សាលើវិស័យសិក្សាសំខាន់ៗទាំងពីររបស់ខ្លួន គឺមុខវិជ្ជាសេដ្ឋកិច្ច និងរដ្ឋបាល និងមុខវិជ្ជាគ្រប់គ្រង។ កម្មវិធីពេញនិយមផ្សេងទៀតរួមមាន រដ្ឋបាលពាណិជ្ជកម្មរដ្ឋបាលសាធារណៈ សេដ្ឋកិច្ចពាណិជ្ជកម្ម ទីផ្សារ និងពាណិជ្ជកម្មអន្តរជាតិ។

សាលាបណ្ឌិត្យសភាក៏បានរាយការណ៍ពីចំណាប់អារម្មណ៍កាន់តែខ្លាំងឡើងពីបេក្ខជនអន្តរជាតិក្នុងប៉ុន្មានឆ្នាំថ្មីៗនេះផងដែរ៕

ដោយ៖ យា ចិន្ដាខន្ដី (ប្រភព៖ BTA)