AKP ខេត្តព្រះសីហនុ ថ្ងៃទី២៩ ខែកក្តដា ឆ្នាំ២០២៦--រសៀលថ្ងៃពុធទី២៩ ខែកក្កដា ឆ្នាំ ២០២៦ ឯកឧត្តម ម៉ាង ស៊ីណេត អភិបាល នៃគណៈអភិ បាលខេត្តព្រះ​សីហនុ និងជាប្រធានអនុគណៈកម្មា ធិការវិនិយោគខេត្តព្រះសីហនុ អញ្ជើញដឹកនាំកិច្ចប្រជុំអនុគណៈកម្មាធិការវិនិ យោគខេត្តព្រះសីហនុ ដើម្បីពិនិត្យ និងអនុម័តលើស្នើសុំបង្កើតរោងចក្រចំនួន ២គម្រោង រួមមានដូចខាងក្រោម៖
១.រោងចក្រផលិតក្តារបន្ទះ មានទីតាំងស្ថិតនៅក្បាលដីលេខ១៧០០ និង១៧០១ ផ្លូវបេតុង ភូមិបឹងរាំង ឃុំសាមគ្គី ស្រុកព្រៃនប់ ខេត្តព្រះសីហនុ របស់ក្រុមហ៊ុន ហ័រសេង ហ្សុងធាន (ខេមបូឌា) អ៊ិនដាស ស្ទៀល ឯ.ក។

២.រោងចក្រផលិតចំណីសត្វចិញ្ចឹម ដែលមានទី តាំងស្ថិតនៅក្បាលដីលេខ ១៨០២០៤០៤-១៤៨២ ១៤៨៣ ១៤៨៨ និង១៤៨៩ ភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ របស់ក្រុមហ៊ុន ហ្វីយ័ន ផេត សឹបផ្លាយ (ខេមបូឌា) ឯ.ក។  

ក្នុងឪកាសនោះ ​ឯកឧត្តម ម៉ាង ស៊ីណេត ប្រធានអនុគណៈកម្មាធិការវិនិយោគខេត្តព្រះសីហនុ បានធ្វើ ការសម្រេចអនុម័តការ ស្នើសុំបង្កើតរោងចក្រផលិតក្តារបន្ទះ នៅភូមិបឹងរាំង ឃុំសាមគ្គី ស្រុកព្រៃនប់ ព្រមទាំងបានធ្វើការណែនាំមួយចំនួនដូចខាងក្រោម សូមឪ្យក្រុមហ៊ុនរៀបចំអាងប្រព្រឹត្តកម្មទឹកកខ្វក់ឪ្យបានត្រឹមត្រូវ ដើម្បីការពារបរិស្ថានសម្រាប់ប្រជាពលរដ្ឋដែលរស់នៅជំវិញតំបន់រោងចក្រ រៀបចំធ្វើបណ្ណ ប.ស.ស ជូនបុគ្គ លិក កម្មករ និងនិយោជិក រៀបចំអាហារដ្ឋានឪ្យមានអនាម័យល្អ​ រោងចក្រត្រូវរៀបចំឪ្យមានច្រកខ្យល់ចេញចូល ដើម្បីធានាសុ​ត្ថិភាពដល់បុគ្គលិក កម្មករទទួលបាននូវផាសុខភាព និងចង្វាក់ផលិតកម្ម សូមភ្ជាប់សេវាដឹកជញ្ជូនសំរាម​ជាមួយក្រុមហ៊ុនប្រមូលសំរាម ការដាំដើមឈើឪ្យមានភាពបៃតងនៅជំវិញរោងចក្រ ជួយកាត់ បន្ថយកម្តៅ រៀបចំប្រព័ន្ធពន្លត់អគ្គិសភ័យ រៀបចំលានដ្ឋានសង្គ្រោះបន្ទាន់នៅក្នុងរោងចក្រ ។

ដោយឡែករោងចក្រទី២ រោងចក្រផលិតចំណីសត្វ ស្ថិតនៅភូមិត្រពាំងគា ឃុំជើងគោ ដែលមានទុនវិនិ យោគលើសពី ៥លានដុល្លាសហរដ្ឋអាមេរិក ត្រូវស្នើសុំទៅ CDC ជាអ្នកសម្រេចការចុះបញ្ជីវិនិ យោគ ក៏ប៉ុន្តែអនុគណៈកម្មាធិការវិនិយោគខេត្តព្រះសីហនុ និងជួយសម្រប សម្រួលទៅ CDC ដើម្បីធ្វើការ​វិនិយោគនៅខេត្តព្រះសីហនុ។

  ទន្ទឹមនោះ ឯកឧត្តម ប្រធានអនុគណៈ កម្មាធិការវិនិយោគខេត្តព្រះសីហនុ បានថ្លែងអំណគុណចំពោះអ្នកវិនិ​យោគិន ដែលផ្តល់ភាពជឿជាក់មកលើអនុ គណកម្មាធិការវិនិយោគខេត្តព្រះសីហនុ មកធ្វើការវិនិយោគនៅខេត្តព្រះ​សីហនុជាបន្តបន្ទាប់ និងសូម ទាក់ទាញអ្នក​វិនិយោគិនផ្សេងទៀតមកធ្វើការវិនិ យោគនៅខេត្តព្រះសីហនុ និងសូមជូនពរឪ្យដំណើការអាជីវកម្មទទួលបាន លទ្ធផលល្អ ព្រមទាំងបាន ប្រគល់វិញ្ញាបនបត្រចុះបញ្ជីគម្រោងវិនិយោគមានលក្ខណសម្បត្តិគ្រប់គ្រាន់ជូនដល់ក្រុមហ៊ុនផងដែរ ៕

ដោយ៖ ងូ សុមុនី