AKP ឧត្តរមានជ័យ ថ្ងៃទី១៤ ខែមិថុនា ឆ្នាំ២០២៦---លោក ឱក សាម៉េត ភិបាលរងក្រុងសំរោង ដឹកនាំកិច្ចប្រជុំណែនាំ ដល់សង្កាត់ទាំង៥ ស្តីពីការ កសាងរបា យការណ៍សមិទ្ធផល អាណត្តិទី៥ (២០២ ២-២០២៧) និង ការរៀបចំទិសដៅយុទ្ធសាស្ត្រអភិវឌ្ឍន៍ អាណត្តិទី៦ (២០២៧-២០៣២) កាលពីទី១៣ ខែមិថុនា ឆ្នាំ២០២៦ នៅសាលប្រជុំក្រុងសំរោង ខេត្ត ឧត្តរមានជ័យ ។

លោក ឱក សាម៉េត បានថ្លែងថា ការវាយតម្លៃលើសមិទ្ធផលការងារ កន្លងមក និងការគូសវាសទិសដៅអភិវឌ្ឍន៍ទៅអនាគត ប្រកបដោយ ចក្ខុវិស័យច្បាស់លាស់ ជាការឆ្លើយ តបទៅនឹងជំនឿទុកចិត្តរបស់បងប្អូន ប្រជាពលរដ្ឋ ។

លោកបន្តថា កិច្ចប្រជុំដ៏មានសារៈសំ ខាន់នេះ ផ្តោតលើ ការរៀបចំកសាងរបាយការណ៍សមិទ្ធផល នៃការអនុវត្តគោលនយោបាយ អភិវឌ្ឍន៍ ឃុំ សង្កាត់ អាណត្តិទី៥ (២០២២-២ ០២៧) និងការកសាង ទិសដៅអនុវត្តផែនការអភិវឌ្ឍន៍ឃុំ សង្កាត់ អាណត្តិទី៦ (២០២៧-២០៣២)។

លោកអភិបាលរងក្រុង បានផ្តល់នូវទម្រង់ណែនាំ លក្ខណៈបច្ចេកទេស និង ឆ្អឹងគោល យ៉ាងលម្អិត ដើម្បីធ្វើជាគ្រឹះ និងជាធាតុ ចូលដ៏មានតម្លៃ សម្រាប់ឱ្យក្រុមប្រឹក្សាសង្កាត់នីមួយៗយកទៅរៀបចំចងក្រង របាយការណ៍។

លោកក៏បានជម្រុញ និងដាស់តឿនដល់តំណាងបក្សសង្កាត់ ទាំង៥ ត្រូវតែយក ចិត្តទុកដាក់ខ្ពស់ ក្នុងការប្រមូលទិន្នន័យឱ្យបាន គ្រប់ជ្រុងជ្រោយ មានតម្លាភាព និងឆ្លុះបញ្ចាំងពីសមិទ្ធផលពិតជាក់ស្តែង ដើម្បីធានាឱ្យបាននូវរបាយការណ៍មួយអាណត្តិដែលមានគុណភាពខ្ពស់ និង រៀបចំបានទាន់ពេលវេលាដែលថ្នាក់លើបានកំណត់។

លោកអភិបាលរងក្រុង ក៏សង្ឃឹមថា រដ្ឋបាលសង្កាត់ទាំង៥ នខឹងទទួលយកនូវសេចក្តីណែនាំ និងឆ្អឹងគោលការងារទាំងនេះ ទៅសហការគ្នា សម្រេចកិច្ចការចងក្រង របាយការណ៍ និងផែនការយុទ្ធសាស្ត្រថ្មីនេះឱ្យទទួលបានជោគ ជ័យ និង មានប្រសិទ្ធភាពខ្ពស់បំផុត៕

ដោយ ទិត ស្រី