AKP ភ្នំពេញ ថ្ងៃទី១៥ ខែឧសភា ឆ្នាំ២០២៦--នៅថ្ងៃទី១៤ ខែឧសភា ឆ្នាំ២០២៦ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ បានអញ្ជើញចូលរួមកម្មវិធី “2026 K-Heritage Day” ដែលរៀបចំដោយសាកលវិទ្យាល័យបេតិកភណ្ឌជាតិកូរ៉េ (Korea National University of Heritage - KNUH) នៅមជ្ឈមណ្ឌល K-Heritage International Center ទីក្រុងសេអ៊ូល។

កម្មវិធីនេះ ត្រូវបានរៀបចំឡើងក្រោមប្រធានបទ “The Living Tradition: Contemporary Korean Buncheong Ware” ក្នុងគោលបំណងលើកកម្ពស់ការទូតវប្បធម៌ តាមរយៈការចែករំលែកអំពីបេតិកភណ្ឌ និងវប្បធម៌កូរ៉េជាមួយបណ្តាឯកអគ្គរាជ/រដ្ឋទូតប្រចាំសាធារណរដ្ឋកូរ៉េ។

ក្នុងឱកាសនោះ ឯកឧត្តមឯកអគ្គរាជទូត បានអញ្ជើញទស្សនាការដាក់តាំងបង្ហាញ Buncheong Ware ដែលបង្ហាញពីសិល្បៈសេរ៉ាមិចបែបបុរាណរបស់កូរ៉េ ព្រមទាំងបានផ្លាស់ប្តូរយោបល់ជាមួយភ្ញៀវកិត្តិយសនានា ដើម្បីពង្រឹងកិច្ចសហប្រតិបត្តិការវប្បធម៌ និងមិត្តភាពរវាងកម្ពុជា និងសាធារណរដ្ឋកូរ៉េ៕

ដោយ៖ ប៊ុនរិទ្ធ