AKP កំពង់ធំ ថ្ងៃទី០៧ ខែឧសភា ឆ្នាំ២០២៦ -- លោក សាយ គឹមឡម អភិបាលស្រុកស្ទោង បានសាទរជាមួយអាជ្ញាធរឃុំកំពង់ចិនត្បូង ដែលប្រើប្រាស់ថវិកាមូលនិធិឃុំ និងកសាងផែនការវិនិយោគអភិវឌ្ឍន៍មូលដ្ឋានឆ្លើយតបទៅនឹងតម្រូវការជាអាទិភាពរបស់ពលរដ្ឋក្នុងមូលដ្ឋាន។ លោកអភិបាលស្រុកបានលើកឡើងដូច្នេះក្នុងពិធីប្រកាសដេញថ្លៃគម្រោងសាងសង់ផ្លូវបេតុងអាមេ នៅក្នុងឃុំកំពង់ចិនត្បូង ស្រុកស្ទោង ខេត្តកំពង់ធំនាព្រឹកថ្ងៃទី០៧ ខែសភាឆ្នាំ ២០២៦ នេះ។

លោកអភិបាលស្រុកបានសង្កត់ធ្ងន់ថា ដើម្បីប្រើប្រាស់ថវិកាមូលនិធិឃុំត្រូវគោលដៅ និងមានប្រសិទ្ធភាពខ្ពស់ អាជ្ញាធរឃុំកំពង់ចិនត្បូង ត្រូវមានផែនការ និងចក្ខុវិស័យឱ្យបានច្បាស់លាស់ ជាពិសេសត្រូវមានទំនាក់ទំនង និងកិច្ចសហការខ្ពស់ជាមួយក្រុមការងារចុះមូលដ្ឋានឃុំក្នុងការកសាងសំណង់ហេដ្ឋារចនាសម្ព័ន្ ធនិងអភិវឌ្ន៍ឍមូលដ្ឋានរួមគ្ នាជាពិសេសកុំឱ្យមានការជាន់គ្នា។ ទន្ទឹមនឹងនេះ លោកអភិបាលស្រុកបានអំពាវនាវដល់អាជ្ញាធរមូលដ្ឋាន ប្រជាពលរដ្ឋដែលនៅអមសងខាងផ្លូវ និងសាធារណៈជន ត្រូវបន្ត និងចូលរួមថែរក្សាការពារធ្វើអនាម័យ សម្អាតបរិស្ថាន ជាពិសេសកុំរំលោភបំពានចំណីផ្លូវថែមទាំងថែរក្សាប្រព័ន្ធលូឱ្យបានល្អ ដើម្បីរំដោះទឹកបញ្ចៀសការកកស្ ទះនិងកុំឱ្យមានការខូចខាតផ្លូវ។

លោក សាយ គឹមឡម អភិបាលស្រុកស្ទោងបានកោតសរសើរខ្ពស់ដល់ដំណើរការនិតិវិធីដេញថ្លៃនេះ ដែលបានប្រព្រឹត្តទៅដោយរលូន និងតម្លាភាពក្រោមក្រសែភ្នែកអ្នកសារព័ត៌មានជាច្រើនអង្គភាពហើយបានណែនាំ ម្ចាស់ក្រុមហ៊ុនជាអ្នកឈ្នះក្នុងកាដេញថ្លៃ និងទទួលការ ក្នុងការធ្វើផ្លូវនេះត្រូវអនុវត្តតាមបទដ្ឋានបច្ចេកទេស កិច្ចសន្យា ដើម្បីធានាបាននូវសំណង់ផ្លូវប្រកបដោយគុណភាពទាន់ពេលវេលា និងប្រើប្រាស់បានយូរអង្វែង។

សូមបញ្ជាក់ថា គម្រោងមូលនិធិឃុំឆ្នាំ២០២៦ ដែលសាងសង់ផ្លូវបេតុងអាមេសរសៃដែកប្រវែង ៣៦០ម៉ែត្រ ទទឹង ៥ម៉ែត្រ កម្រាស់ ០,១៥ម៉ែត្ រនិងស្លាកសញ្ញាគម្រោង ១កន្លែងជាមួយនឹងតម្លៃប៉ាន់ស្មានជាង ១៨៣លានរៀល៕

ដោយ៖ ស៊ុម វណ្ណា