​  AKP ភ្នំពេញ ថ្ងៃទី០៦ ខែឧសភា ឆ្នាំ២០២៦ -- យោងតាមអ្នកនាំពាក្យក្រសួងការបរទេសចិនបានប្រកាសឱ្យដឹងថា តាមការអញ្ជើញរបស់រដ្ឋាភិបាលចិន លោក អាប់ឌុលឡាហ៍ អារីប៉ូវ (Abdulla Aripov) នាយករដ្ឋមន្ត្រីនៃសាធារណរដ្ឋអ៊ូសបេគីស្ថាននឹងបំពេញទស្សនកិច្ចនៅប្រទេសចិនចាប់ពីថ្ងៃទី៦ ដល់ថ្ងៃទី៧ ខែឧសភា៕

យោងតាមអ្នកនាំពាក្យបានឱ្យដឹងថា លោក អារីប៉ូវ ក៏នឹងធ្វើជាសហប្រធានសម័យប្រជុំលើកទី៨ នៃគណៈកម្មាធិការសហប្រតិបត្តិការអន្តររដ្ឋាភិបាលចិន-អ៊ូសបេគីស្ថាន ជាមួយសមាជិកការិយាល័យនយោបាយនៃគណៈកម្មាធិការកណ្តាលបក្សកុម្មុយនិស្តចិន និងជាឧបនាយករដ្ឋមន្ត្រីនៃក្រុមប្រឹក្សារដ្ឋ លោក លីវ ហ្គូវហ្សុង (Liu Guozhong) ៕

ដោយ៖ មូល មិនា (ប្រភព៖ ភីបផលដេលី)