AKP ភ្នំពេញ ថ្ងៃទី២៤ ខែមេសា ឆ្នាំ២០២៦ -- គណៈកម្មការសេដ្ឋកិច្ច និងសង្គមរបស់អង្គការសហប្រជាជាតិសម្រាប់តំបន់អាស៊ី និងប៉ាស៊ីហ្វិក(ESCAP) បានព្រមានថា តំបន់នេះកំពុងប្រឈមមុខនឹងហានិភ័យសេដ្ឋកិច្ចសង្គម និងបរិស្ថានកាន់តែខ្លាំងឡើង។

ក្នុងអំឡុងពេលសម័យប្រជុំលើកទី៨២ របស់ខ្លួននៅទីក្រុងបាងកកទីភ្នាក់ងារនេះបានគូសបញ្ជាក់ថា ការធ្វើសមាហរណកម្មកាន់តែច្រើនបាននាំឱ្យមានបញ្ហាប្រឈមរួមគ្នា រួមទាំងកំណើនសេដ្ឋកិច្ចដែលមានស្ថេរភាព ការបែកបាក់ពាណិជ្ជកម្ម និងភាពងាយរងគ្រោះផ្នែកសារពើពន្ធ ដែលបណ្តាលមកពីភាពតានតឹងភូមិសាស្ត្រនយោបាយ និងអត្រាការប្រាក់ខ្ពស់។

តំបន់នេះក៏កំពុងរុករកការផ្លាស់ប្តូរប្រជាសាស្ត្រដ៏សំខាន់មួយផងដែរដោយប្រទេសមួយចំនួនមានប្រជាជនវ័យចំណាស់យ៉ាងឆាប់រហ័ស ខណៈដែលប្រទេសផ្សេងទៀតរក្សាចំនួនប្រជាជនវ័យក្មេងបានយ៉ាងច្រើន។និន្នាការទាំងនេះ រួមផ្សំជាមួយនឹងការកើនឡើងនៃបញ្ញាសិប្បនិម្មិត និងនគរូបនីយកម្ម បង្កើតតម្រូវការបន្ទាន់សម្រាប់គោលនយោបាយដែលបង្កើតការងារសមរម្យ និងបង្កើនផលិតភាពការងារ។

អង្គការសហប្រជាជាតិបានសង្កត់ធ្ងន់ទៅលើសារៈសំខាន់នៃការកសាងសង្គម ដែលមានបរិយាប័ន្ន ដែលអាចសម្របខ្លួនទៅនឹងនិន្នាការធំៗខាងបច្ចេកវិទ្យា និងប្រជាសាស្ត្រទាំងនេះ។

បើទោះបីជាមានសម្ពាធកើនឡើងទាំងនេះក៏ដោយ ក៏ថ្នាក់ដឹកនាំគណៈកម្មការ ESCAP នៅតែមានសុទិដ្ឋិនិយមដោយសារតែប្រវត្តិនៃថាមវន្តសេដ្ឋកិច្ច និងភាពធន់របស់តំបន់នេះ។ តាមរយៈការលើកកម្ពស់កិច្ចសហប្រតិបត្តិការក្នុងតំបន់ និងការអភិវឌ្ឍដំណោះស្រាយរួមគ្នា ថ្នាក់ដឹកនាំមានគោលបំណងដោះស្រាយភាពមិនប្រាកដប្រជាបច្ចុប្បន្ន និងលេចចេញជារូបរាងកាន់តែរឹងមាំ៕

ដោយ៖ យា ចិន្ដាខន្ដី (ប្រភព៖ ឆាយណាដេលី)