AKP ភ្នំពេញ ថ្ងៃទី២៤ ខែមេសា ឆ្នាំ២០២៦ -- ប្រទេសចិនបានចេញផ្សាយគោលការណ៍ណែនាំមួយកាលពីពេលថ្មីៗនេះ ដោយគូសបញ្ជាក់ពីការរៀបចំដើម្បីជំរុញកិច្ចខិតខំប្រឹងប្រែងអភិរក្សថាមពល និងកាត់បន្ថយកាបូនរបស់ប្រទេស។

ឯកសារដែលចេញផ្សាយរួមគ្នាដោយការិយាល័យទូទៅនៃគណៈកម្មាធិការកណ្តាលបក្សកុម្មុយនិស្តចិន និងការិយាល័យទូទៅនៃក្រុមប្រឹក្សារដ្ឋនេះ បានសង្កត់ធ្ងន់ទៅលើតម្រូវការសម្រាប់កិច្ចខិតខំប្រឹងប្រែងសម្របសម្រួលក្នុងការជំរុញការអភិរក្សថាមពល និងការកាត់បន្ថយកាបូន ខណៈដែលជំរុញការធ្វើឱ្យប្រសើរឡើងនូវឧស្សាហកម្ម។

យោងតាមគោលការណ៍ណែនាំ កិច្ចខិតខំប្រឹងប្រែងនឹងត្រូវបានធ្វើឡើងដើម្បីលើកកម្ពស់បច្ចេកវិទ្យាផលិតកម្ម ឧបករណ៍ និងផលិតផលសន្សំសំចៃថាមពល កាបូនទាប និងស្អាត ព្រមទាំងដើម្បីគាំទ្រដល់ការអនុវត្តបច្ចេកវិទ្យាឌីជីថល ឆ្លាតវៃ និងបៃតង ដើម្បីធ្វើឱ្យប្រសើរឡើងនូវឧស្សាហកម្មប្រពៃណី។

ឯកសារនេះបាននិយាយថា ប្រទេសចិននឹងខិតខំធ្វើឱ្យការប្រើប្រាស់ធ្យូងថ្ម និងប្រេងមានកម្រិតខ្ពស់បំផុត អភិវឌ្ឍន៍ថាមពលមិនមែនហ្វូស៊ីល និងទម្រង់ថ្មីនៃការផ្ទុកថាមពល និងពន្លឿនការកសាងប្រព័ន្ធថាមពលថ្មីមួយ។

វាក៏បានគូសបញ្ជាក់ផងដែរអំពីផែនការដើម្បីជំរុញការអភិរក្សថាមពលនិងការកាត់បន្ថយកាបូននៅទូទាំងវិស័យនានា រួមទាំងវិស័យឧស្សាហកម្មសំណង់ ការដឹកជញ្ជូន ហេដ្ឋារចនាសម្ព័ន្ធឌីជីថល និងស្ថាប័នសាធារណៈខណៈដែលពង្រឹងការត្រួតពិនិត្យ និងការគ្រប់គ្រងកិច្ចខិតខំប្រឹងប្រែងបែបនេះ៕

ដោយ៖ យា ចិន្ដាខន្ដី (ប្រភព៖ ឆាយណាដេលី)