AKP ភ្នំពេញ ថ្ងៃទី២២ ខែមេសា ឆ្នាំ២០២៦ -- ប្រធានាធិបតីចិន លោក ស៊ី ជីនពីង (Xi Jinping) បានមានប្រសាសន៍កាលពីថ្ងៃអង្គារថា ខណៈដែលផលប៉ះពាល់នៃជម្លោះនៅតំបន់មជ្ឈិមបូព៌ាកំពុងរីករាលដាលដល់ប្រទេសនៅទ្វីបអាហ្វ្រិក ប្រទេសចិនត្រៀមខ្លួនរួចជាស្រេចដើម្បីធ្វើការរួមគ្នាជាមួយទ្វីបអាហ្វ្រិក ដើម្បីដោះស្រាយបញ្ហាប្រឈមទាំងនេះ រួមគ្នាលើកកម្ពស់សន្តិភាព និងជំរុញការអភិវឌ្ឍ។

លោក ស៊ី បានធ្វើការកត់សម្គាល់នេះក្នុងអំឡុងពេលនៃកិច្ចពិភាក្សារបស់លោកជាមួយប្រធានាធិបតីនៃសាធារណរដ្ឋម៉ូសំប៊ិក លោក ដាញ៉ែលហ្វ្រង់ស៊ីស្កូ ឆាប៉ូ (Daniel Francisco Chapo) នៅទីក្រុងប៉េកាំង ដោយលោកបានអំពាវនាវឱ្យភាគីទាំងពីរគោរពគោលការណ៍សម្រាប់សន្តិភាពរក្សាការប្តេជ្ញាចិត្តសម្រាប់ការអភិវឌ្ឍ និងលើកកម្ពស់កិច្ចសហប្រតិបត្តិការឈ្នះ-ឈ្នះ៕

ដោយ៖ មូល មិនា (ប្រភព៖ ភីបផលដេលី)