AKPកំពង់ធំថ្ងៃទៅ២១ខែមេសាឆកនាំ២០២៦--លោកសាយ គឹមឡមអភិបាលស្រុកស្ទោងបានលើកឡើងថា ប្រឡាយពង្វាងទឹកអូរគោលង់នឹងជួយបង្កើនសេដ្ឋកិច្ចអ្នកភូមិទំពេច នៃឃុំទ្រា ស្រុកស្ទោង ខេត្តកំពង់ធំ ឱ្យកាន់តែប្រសើរឡើងក្នុងឱកាសដែលលោកនិងសហការីអញ្ជើញចុះពិនិត្យមើលប្រព័ន្ធប្រឡាយពង្វាងទឹកអូរគោលង់កាលពីរសៀលថ្ងៃទី២០ខែមេសា ឆ្នាំ២០២៦។

លោកអធិបាលស្រុកបានបញ្ជាក់ថាប្រព័ន្ធប្រប្រឡាយពង្វាងទឹកអូរគោលង់នេះ បានជីកពង្វាងទឹកពីអូរគោលង់ ពុះជ្រែកកាត់ស្រែស្រូវប្រជាកសិករមកកាន់ភូមិទំពេចដើម្បីស្រោចស្រពស្រែស្រូវ និងច្បារដំណាំអ្នកភូមិទំពេច ដែលនឹងជួយកំណើនសេដ្ឋកិច្ចអ្នកភូមិបានមួយកម្រិតថែមទៀត និងជាប្រឡាយស្តុកទឹកសម្រាប់សត្វពាហនផងដែរ។

ជាមួយគ្នានេះលោកអភិបាលស្រុកបានគោរពថ្លែងអំណរគុណយ៉ាងជ្រាលជ្រៅបំផុតដល់លោក ផាង វី ប្រធាននាយ កដ្ឋានធានាសាស្ត្រកសិកម្ម នៃក្រសួងធន ធានទឹកនិងឧតុនិយម និងជាប្រធានក្រុមការងារចុះមូលដ្ឋានឃុំទ្រា និងឯកឧត្តម ថោ ជេដ្ឋា  រដ្ឋមន្ត្រីក្រសួង ធនធានទឹក និងឧតុនិយមនិងជាប្រធានក្រុមការងារចុះមូលដ្ឋានស្រុកស្ទោង ដែលបានដឹកនាំផ្ទាល់ក្នុងការជីកប្រព័ន្ធប្រឡាយពង្វាងទឹកនេះសម្រាប់ស្រោច ស្រពដីស្រែនិងជួយដល់ជីវភាពប្រជា ពលរដ្ឋនៅក្នុងមូលដ្ឋានបានល្អប្រសើរថែមទៀត។

សូមបញ្ជាក់ថាប្រព័ន្ធប្រឡាយពង្វាងទឹកអូរគោលង់ជាគម្រោងរបស់ក្រសួងធនធានទឹកនិងឧតុនិយមដែលមាន ប្រវែង៤០០០ម៉ែត្រ មានផ្លូវក្រួសក្រហមអបសងខាងនិងរួមផ្សំជាមួយសំណង់សិល្បការ្យជាច្រើនកន្លែងដែលជាប្រព័ន្ធធារាសាស្ត្រផ្គត់ផ្គង់ទឹកនិងជាផ្លូវដឹកជញ្ជូនដ៏មានសារៈសំខាន់បំផុត៕

ដោយ ៖ ស៊ុម វណ្ណា