AKP ព្រះសីហនុ ថ្ងៃទី១៦ ខែមេសា ឆ្នាំ២០២៦--

តាមរបាយការណ៍របស់មន្ទីរទេសចរណ៍ខេត្តព្រះសីហនុបានឱ្យដឹងថា ក្នុងឱកាសពិធីបុណ្យចូលឆ្នាំថ្មីប្រពៃណីជាតិថ្ងៃទីពីរ ត្រូវនឹងថ្ងៃទី១៥ ខែមេសា ឆ្នាំ២០២៦ ខេត្តព្រះសីហនុ ទទួលបានភ្ញៀវទេសចរជាង ១៤ម៉ឺននាក់ ក្នុងនោះ ភ្ញៀវទេសចរផ្ទៃក្នុងសរុបមានចំនួន ១៤១.១០៧នាក់ កើនឡើង ២,៩៨ភាគរយ ក្នុងនោះភ្ញៀវជាតិមានចំនួន ១៣៧.៧៤០នាក់ កើនឡើង ៣,៤១ភាគរយ ភ្ញៀវបរទេសសរុបចំនួន ៣.៣៦៧នាក់ ថយចុះ ១២,១៣ភាគរយ​។

ចំពោះរមណីយដ្ឋានដែលភ្ញៀវទេសចរណ៍ទៅលេងកម្សាន្តមានដូចជា តាមឆ្នេរ និងរមណីយដ្ឋាននានាសរុប ១៣៩.៧១៩នាក់ កើនឡើង ២,៦៣ភាគរយ ក្នុងនោះ ភ្ញៀវជាតិមានចំនួន​ ១៣៧.០៦០នាក់ កើនឡើង ៣,២៤ភាគរយ និងភ្ញៀវទេសចរបរទេសមានចំនួន ២.៦៥៩នាក់ ថយចុះ២១,៣០ភាគរយ។

ដោយឡែកភ្ញៀវចូលតាមព្រលានយន្តហោះអន្តរជាតិមានចំនួន ០៣ជើង កើនឡើង ០១ជើង បើធៀបនឹងឆ្នាំមុន មានភ្ញៀវសរុប ២៧០នាក់ កើនឡើង ១៤១,០៧ភាគរយ ក្នុងនោះ ភ្ញៀវជាតិ ០២នាក់ ថយចុះ ៦០ភាគរយ និងភ្ញៀវអន្តរ​ជាតិ​មាន​ចំនួន ២៦៨នាក់ កើនឡើង ១៥០,៤៦ភាគរយ។

ភ្ញៀវទេសចរទៅកម្សាន្តតាមបណ្តាកោះនានាក្នុងខេត្តព្រះសីហនុ​ មានចំនួន ១.១១៨នាក់ កើនឡើង ៤៤,៦៣ភាគរយ ក្នុងនោះភ្ញៀវជាតិមានចំនួន ៦៧៨នាក់ កើនឡើង ៥៨,៧៨ភាគរយ និងភ្ញៀវបរទេសមានចំនួន​ ៤៤០នាក់ កើនឡើង ២៧,១៦ភាគរយ៕

ដោយ ងូ សុមុនី