AKPភ្នំពេញ ថ្ងៃទី២៩ ខែមីនា ឆ្នាំ ២០២៦– ឯកឧត្តម ម៉ាង ស៊ីណេត សមាជិកគណៈកម្មាធិការកណ្តាល ជាប្រធានគណ: កម្មាធិការគណបក្សប្រជាជនកម្ពុជា ខេត្តព្រះសីហនុ អញ្ជើញបិទវគ្គនយោបាយជំនាន់ទី៣១ រយៈពេល ៣ថ្ងៃ គឺថ្ងៃទី២៧-២៩ ខែមីនា ឆ្នាំ២០២៩ សម្រាប់មន្ត្រី និងសមាជិកគណបក្សមន្ទីរ អង្គភាពក្នុងខេត្តព្រះសីហនុ នៅសាលប្រជុំគណបក្សប្រជាជនខេត្តព្រះសីហនុ រសៀលថ្ងៃអាទិត្យទី២៩ ខែមីនា ឆ្នាំ២០២៦ ដែលមានសិក្ខាកាមចូលរួមសរុបចំនួន ៨៣នាក់ ស្រី ២២នាក់។

ឯកឧត្តម ម៉ាង ស៊ីណេត មានប្រសាសន៍ថ្លែងគូសបញ្ជាក់ថា វគ្គអប់រំរយពេល ៣ថ្ងៃកន្លងមកនេះ ប្រព្រឹត្តទៅដោយរលូន ដែលមានឯកសារសំខាន់ៗចំនួន៦ យកមកសិក្សាដោយគ្រូឧទ្ទេស ដើម្បីឱ្យសិក្ខាកាមទទួលបានការយល់ដឹងថ្មីៗបន្ថែមទៀត ដើម្បីធ្វើការផ្លាស់ប្តូរបទពិសោធន៍ទៅវិញ ទៅ មកមានភាពសុក្រឹតថែមទៀត ហើយចំពោះលទ្ធផលដែលវគ្គអប់រំនយោបាយដំណើរការនាពលេនះបានល្អប្រសើរ ព្រមទាំងតម្រង់ទិសឪ្យអនុវត្តនូវដំណើរការយ៉ាងរលូន និងទទួលបានលទ្ធផលខ្ពស់ ។ ព្រោះភាពជោគជ័យរបស់គ្រូឧទ្ទេសដែលបានចែករំលែកបទពិសោធន ព្រមទាំងអបអរសាទចំពោះសិក្ខាកាមជំនាន់ទី៣១ បានបញ្ចប់ដោយជោគជ័យ សង្ឃឹមថា សិក្ខកាមទាំងអស់ទទួលបានចំណេះ ជំនាញពីគ្រូឧទ្ទេសបានជាង ៧០ភាគរយ និងនៅពេលត្រឡប់ទៅវិញយកទៅប្រើប្រាស់នៅក្នុងមូល ដដ្ឋានរបស់ខ្លួន ហើយយើងមានឪកាសធ្វើការពន្យល់ដល់សមាជិករបស់យើងនៅមូលដ្ឋាន ។

 ក្នុងឪកាសនោះ ឯកឧត្ដម ប្រធានគណកម្មាធិការគណបក្សប្រជាជនខេត្ត បានបញ្ចាក់ថា ក្រោមម្លប់សន្តិភាព រាជរដ្ឋាភិបាលបានដាក់ចេញនូវចក្ខុវិស័យប្រែក្លាយប្រទេសកម្ពុជាពីប្រទេសក្រីក្រមកជាប្រទេស មានចំណូលមធ្យមកម្រិតខ្ពស់នៅឆ្នាំ២០៣០ និងប្រែក្លាយជាប្រទេសដែលមានចំណូលខ្ពស់នៅឆ្នាំ២០៥០ ដោយ ផ្តោតទៅលើជីវភាពគ្រួសារ។ ទន្ទឹមនោះឯកឧត្ដម ក៏បានថ្លែងអំណគុណដល់យុវជនរបស់យើងដែលបានចូលរួមសកម្មភាពមនុស្សធម៌ទទួលអំណោយពីពីសប្បុរសជន ជាតិ និងអន្តរជាតិ ដើម្បីរៀបចំវេចខ្ចប់យកទៅចែកជូនទៅដល់ជនភៀសសឹក និងវីរកងទ័ពជួរមុខ ដើម្បីការពារជាតិ មាតុភូមិកម្ពុជា ដែលជាទឹកចិត្តសាមគ្គីភាព ឯកភាពក្នុងស្មារតី (ខ្មែរ ជួយខ្មែរ) ។

ឯកឧត្តម ប្រធានគណបក្សខេត្ត ក៏បានធ្វើការកោតសរសើរវវាយតម្លៃចំពោះសិក្ខា កាមដែលបានចូលរួមក្នុងវគ្គអប់រំនយោបាយជំនាន់ទី៣១ ដែលបានគោរពវិន័យ ប្រតិបត្តិតាមបទបញ្ជាផ្ទៃក្នុងរបស់វគ្គដោយយក ចិត្តទុកដាក់តាមដានស្តាប់បទឧទ្ទេស នាមរបស់គ្រូ ព្រមទាំងបានសាកសួរនូវចំណុចដែលពំទាន់ បានយល់ច្បាស់ ដើម្បីឪ្យវគ្គទាំងមូលបង្កើតបាននូវបរិយាកាសរីករាយស្និតស្នាល ពិសេសការយល់ដឹងអំពីប្រវត្តិ សកម្មភាព ស្នាដៃ និងបទពិសោធន៍ នៃការដឹកនាំរបស់គណបក្ស លក្ខន្តិក:គណបក្ស កម្មវិធីនយោបាយរបស់គណបក្ស ការកសាងអត្តចរិត សីលធម៌ល្អប្រពៃរបស់មន្ត្រីគណបក្ស និងសភាព ការណ៍ កម្ពុជា ព្រមទាំងភារកិច្ចចំពោះមុខ គឺជាការងារចាំបាច់ដែលមន្ត្រីគណបក្សគ្រប់រូបត្រូវសិក្សាស្វែងយល់ ដើម្បីប្រតិបត្តិឪ្យបានល្អ សំដៅពង្រឹងប្រសិទ្ធភាពដឹកនាំ និងការគ្រប់គ្រងរបស់គណបក្សគ្រប់លំដាប់ថ្នាក់ ។ គណបក្សបានបើកវគ្គអប់រំនយោបាយគណបក្សតាមមន្ទីរ អង្គភាព ក្រុង ស្រុកចាប់ពីឆ្នាំ២០១៥ រហូតមកដល់បច្ចប្បន្ននេះបានចំនួន ៣១វគ្គ ហើយនៅឆ្នាំ២០២៦នេះ គ្រោងនឹងបើកវគ្គអប់រំនយោបាយចំនួន ៥វគ្គ ខ្ញុំជឿជាក់ថា សិក្ខា កាម ដែលបានឆ្លងកាត់វគ្គអប់រំនយោបាយនាពេលនេះ ពិតជាមានការយល់ដឹងមួយកម្រឹតថែមទៀត ដើម្បីបង្កើនសមត្ថភាព និងគុណធម៌សមស្របជាមន្ត្រីរបស់គណ បក្ស ដើម្បីប្រជាជន និងដោយសារប្រជាជន ។

ឯកឧត្តម ប្រធានគណបក្សខេត្ត បានធ្វើការផ្តាំផ្ញើដល់សិក្ខាកាមទាំងអស់ត្រូវអនុវត្តតួនាទី ភារកិច្ច និងការចូលរួមអភិវឌ្ឍខេត្តរបស់យើងឪ្យមានការវិវឌ្ឍរីក ចម្រើន ហើយការរីកចម្រើននេះបានជួយកាត់បន្ថយការងាររបស់ថ្នាក់ដឹកនាំរបស់យើងផងដែរ ដូច្នេះយើងត្រូវយកចំណេះដឹងថ្មីៗប្រែក្លាយទៅជាកម្មភាពជាក់ស្តែងដោយប្រកាន់ភ្ជាប់នូវអត្តចរិត ក្រមសីលធម៌ល្អ ប្រពៃរបស់មន្ត្រីគណបក្ស គោរពប្រតិបត្តិលក្ខន្តិក:គណបក្សឪ្យបានខ្ជាប់ខ្ជួន ខិតខំបំពេញ ភារកិច្ចដោយស្មារតីទទួល ខុសត្រូវ សំដៅបំរើការងារមានភាពរលូនបំរើប្រជាជនបានល្អប្រសើរ ទោះបីការងារនោះតូចក្តី ធំក្តី វាផ្តើមចេញពីគ្រួសា និងសមាជិកទទួលបានជោគជ័យនៃការសម្រេច បានការងារតូច និងការ សម្រេចបានការងារធំៗសំខាន់បន្ថែមទៀត ព្រោះយើងជាសមាជិកគណបក្ស គឺជាសន្លឹកឆ្នោតមួយសន្លឹក ៕ 

ដោយ៖ ងូ សុមុនី