AKP ព្រះវិហារ ថ្ងៃទី២៩ ខែមីនា ឆ្នាំ២០២៦ -- លោក យុង គឹមហ៊ាន នាយកប្រតិបត្តិសាខាកាកបាទក្រហមកម្ពុជា ខេត្តព្រះវិហារ តំណាងឯកឧត្តម គីម រិទ្ធី ប្រធានគណៈកម្មាធិការសាខា បាននាំថវិកា និងគ្រឿងឧបភោគបរិភោគ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចុះសួរសុខទុក្ខគ្រួសាររងគ្រោះដោយសារឆ្កែចចកខាំរងរបួសដៃពីរនាក់ម្តាយកូន ស្ថិតនៅភូមិជាំស្រែ ឃុំយាង ស្រុកជាំក្សាន្ត កំពុងសម្រាកព្យាបាល នៅមន្ទីរពេទ្យបង្អែកខេត្ត ១៦មករា នារសៀលថ្ងៃទី២៨ ខែមីនា ឆ្នាំ២០២៦។

លោក យុង គឹមហ៊ាន បាននាំនូវប្រសាសន៍ផ្តាំផ្ញើសាកសួរសុខទុក្ខពីសំណាក់ឯកឧត្តម គីម រិទ្ធី ប្រធានគណៈកម្មាធិការសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែគិតគូរពីសុខទុក្ខរបស់បងប្អូនជានិច្ច និងសូមជូនពរឆាប់បានជាសះស្បើយឡើងវិញ និងពេលត្រឡប់ទៅវិញត្រូវមានការប្រុងប្រយ័ត្នខ្ពស់ពីបញ្ហាសុខភាព រស់នៅស្អាត មានអនាម័យល្អ ប្រយ័ត្នចំពោះអគ្គីភ័យ ព្រោះពេលនេះជារដូវក្តៅ៕

ដោយ៖ ទិត ស្រ៊