AKP ភ្នំពេញ ថ្ងៃទី២៨ ខែមីនា ឆ្នាំ២០២៦–ក្នុងឱកាសនៃការខិតជិតចូលមកដល់នៃពិធូីបុណ្យចូលឆ្នាំថ្មីប្រពៃណីជាតិខ្មែរ ក្រុមគ្រួសារសហភាពសហព័ន្ធយុវជនកម្ពុជា បានរៀបចំកម្មវិធីជួបជុំ ដែលមានការប្រគុំតន្រ្តីស្គរដៃ ល្បែងប្រជាប្រិយ ការសម្តែងល្ខោនបាសាក់ និងអាហារសាមគ្គីនៅតាមមណ្ឌលសុវត្ថិភាព នៅក្នុងខេត្តព្រះវិហារ និងសៀមរាប ចំនួន ៣ទីតាំង។ 

បើទោះបីជាបងប្អូនមិនទាន់អាចត្រលប់ទៅភូមិឋានវិញបាន តែយើងមិនទុកឱ្យបងប្អូននៅរងារនោះទេ ហើយយើងប្តេជ្ញារួមគ្នា ឆ្លងកាត់គ្រាលំបាកនេះជាមួយគ្នា។ 

កម្លាំងចិត្តដ៏ធំរបស់យើងគឺបានឃើញស្នាមញញឹម និងសំឡេងសើចក្អាកក្អាយប្រកបដោយក្តីសង្ឃឹមរបស់លោកយាយ លោកតា អ៊ុ ពូមីងបងប្អូនជនភៀសសឹកទាំងអស់៕

ដោយ៖ គង់ សិរីរ័ត្ន, ប្រភព៖ សហភាពសហព័ន្ធយុវជនកម្ពុជា