AKP ខេត្តព្រះសីហនុ ថ្ងៃទី២៥ ខែមីនា ឆ្នាំ២០២៦--

 នៅរសៀលថ្ងៃទី២៥ ខែមីនា ឆ្នាំ២០២៦ ឯកឧត្តម ម៉ាង ស៊ីណេត អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំមន្ត្រីជំនាញចុះពិនិត្យវឌ្ឍនភាពការងារសាងសង់ទីលានទុកដាក់កុងតឺន័ររបស់កំពង់ផែស្វយ័តក្រុងព្រះសីហនុ ដែលមានទីតាំងស្ថិតនៅសង្កាត់លេខ៣ ក្រុងព្រះសីហនុ។

ដោយសារតែកំណើតនៃការដឹកជញ្ជូនតាមផ្លូវសមុទ្រមានការកើនឡើងជារៀងរាល់ឆ្នាំ ធ្វើឱ្យទីលានផ្ទុកកុងតឺន័ររបស់កំពង់ផែស្វយ័តក្រុងព្រះសីហនុ ត្រូវការធ្វើការអភិវឌ្ឍចំណតកុងតឺន័រនេះបន្ថែមទៀតទៅតាមការរីកចម្រើននាពេលបច្ចុប្បន្ន។ ហើយកាលពីឆ្នាំ២០២៥កន្លងមក កំពង់ផែស្វយ័តក្រុងព្រះសីហនុ ទទួលបានកុងតឺន័រឆ្លងកាត់ ១លានកុងតឺន័រ ដែលទាមទារឪ្យមានមានការពង្រីកផែកុងតឺន័រស្របតាមស្តង់ដារបច្ចេកទេស នៃការដឹកជញ្ជូនឆ្លងកាត់ជាសកល ។  

 ក្នុងឪកាសនោះ ឯកឧត្តម អភិបាល ខេត្តព្រះ សីហនុ មានសុទិដ្ឋិនិយមពីការរីកចម្រើនលើវិស័យដឹកជញ្ជូនតាមផ្លូវសមុទ្ររបស់កម្ពុជា ពីមួយឆ្នាំទៅមួយឆ្នាំសម្រាប់ទំនិញឆ្លងកាត់កំពង់ផែក្រុងព្រះ សីហនុ ធ្វើឱ្យកំពង់ផែអាចប្រកួតប្រជែងតម្លៃសេវាដឹកជញ្ជូនទំនិញទៅកាន់ប្រទេសនានាលើសកលលោក ។ 

ឯកឧត្តម អភិបាលខេត្តព្រះសីហនុ ក៏បានធ្វើការណែនាំដល់ក្រុមការងារបច្ចេកទេសសាងសង់ពង្រីកទីលានផែផ្ទុកកុងតឺន័រត្រូវយកចិត្តទុកដាក់អនុវត្តការងារឪ្យមានគុណភាព និងប្រសិទ្ធភាពខ្ពស់ក្នុងការបំរើឪ្យវិស័យដឹកជញ្ជូននៅក្នុងទីលានទុក ដាក់កុងតឺន័រនេះឪ្យបានលឿន ឆាប់ និងមាន គុណ ភាពខ្ពស់ ៕ 

ដោយ៖ ងូ សុមុនី