AKP កណ្តាល ថ្ងៃទី១២ ខែមីនា ឆ្នាំ២០២៦--

ឯកឧត្តម នូ សាខន ប្រធានក្រុមប្រឹក្សាខេត្តកណ្ដាល បានណែនាំដល់កងកម្លាំងមានសមត្ថកិច្ច និងអាជ្ញាធរមូលដ្ឋានត្រូវបន្តពង្រឹងការងារសន្តិសុខ សណ្ដាប់ធ្លាប់សាធារណៈ ដើម្បីទប់ស្កាត់បទល្មើសនានា និងសម្រាប់រដូវបុណ្យចូលឆ្នាំខាងមុខ។ ការណែនាំបែបនេះក្នុងឱកាសដែរឯកឧត្តមអញ្ជើញដឹកនាំកិច្ចប្រជុំសាមញ្ញក្រុមប្រឹក្សាខេត្តលើកទី ២២  អាណត្តិទី ៤ នៅថ្ងៃទី១២ ខែមីនា ឆ្នាំ២០២៦ ដោយមានការចូលរួមពីសំណាក់លោក តាំង ម៉េងលាន អភិបាលរងខេត្តកណ្ដាល ។

ឯកឧត្តម ប្រធានក្រុមប្រឹក្សាខេត្តកណ្ដាល ក៏បានបន្តទៀតថា ចំពោះបញ្ហាការឡើងថ្លៃប្រេងសាំង ឯកឧត្តមក៏បានស្នើដល់អាជ្ញាធរមូលដ្ឋាន ក៏ដូចជាមន្ទីរជំនាញពាក់ព័ន្ធក្តាប់ឱ្យបាននូវស្ថានភាពនេះ ថាតើស្ថានីយ៍ឬដេប៉ូប៉ុន្មានដែលដំណើរការ និងស្ថានីយ៍ឬដេប៉ូលណាដែលមិនដំណើរការ និងស្ថានីយ៍ឬដេប៉ូណាដែលលក់តម្លៃលើសពីការកំណត់របស់ក្រសួងពាណិជ្ជកម្ម។ចំពោះមុខសភាពការណ៍នេះរាជរដ្ឋាភិបាលកម្ពុជា ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានបង្កើនការធ្វើសកម្មភាពការទូតយ៉ាងខ្លាំងក្លាតាមរយៈដំណើរទស្សនកិច្ច និងចូលរួមប្រជុំលើកដំបូងរបស់ក្រុមប្រឹក្សាសន្តិភាព នៅសហរដ្ឋអាមេរិក និងកិច្ចប្រជុំជាច្រើនទៀតនៅសហរដ្ឋអាមេរិក និងសហភាពអឺរ៉ុប បើទោះបីសភាពការណ៍សកលលោកពុំមានសន្តិភាព ទាំងភ្នែកនយោបាយ យោធា សន្តិសុខ និងសេដ្ឋកិច្ច បញ្ហាសង្គ្រាមនៅមជ្ឈឹមបូព៌ា និងប្រទេសថៃមានការឈ្លានពានយើងក្តី ក៏រាជរដ្ឋាភិបាល បន្តដឹកនាំប្រទេសប្រកបដោយភាពធន់ លើកកម្ពស់ប្រៀបខាងនយោបាយការទូត រក្សាលំនឹងម៉ាក្រូនសេដ្ឋកិច្ច និងជំរុញកិច្ចអភិវឌ្ឍន៍វិស័យនានាមានការរីកចម្រើនជាបន្តបន្ទាប់។

លោក តាំង ម៉ងលាន មានប្រសាសន៍ថា ក្រោមការរដឹកនាំដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងតាមការចង្អុលបង្ហាញពីឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល ក្នុងយុទ្ធនាការបោសសំអាត(game online) ក្នុងទឹកដីខេត្តកណ្ដាល គឺរដ្ឋបាលខេត្តបានធ្វើយ៉ាងសកម្ម នឹងបានបន្តធ្វើការណែនាំដល់អាជ្ញាធរមូលដ្ឋានក៏ដូចជាកម្លាំងមានសមត្ថកិច្ច ត្រូវតាមដាននៅទីតាំងបង្ការនៃការកើតថ្មី ក៏ដូចជាការគ្រប់គ្រងនៅទីតាំងមួយចំនួនដែលយើងបានបង្ក្រាប ។ពាក់ព័ន្ធនឹងករណីគ្រោះថ្នាក់ចរាចរណ៍រដ្ឋបាលខេត្តនឹងរៀបចំដាក់គោលដៅត្រួតពិនិត្យចរាចរណ៍ ដើម្បីកាត់បន្ថយការកើនឡើងដោយគ្រោះថ្នាក់ចរាចរណ៍ ហើយរដ្ឋបាលខេត្ត និងបន្តធ្វើការចែកបានកម្មសិទ្ធិដីធ្លីជូនដល់ប្រជាពលរដ្ឋឱ្យបានគ្រប់ភូមិ-ឃុំទាំងអស់។

សូមជម្រាបដែរថា៖ ក្នុងកិច្ចប្រជុំនេះ ក្រុមប្រឹក្សាខេត្តបានធ្វើការពិនិត្យ ពិភាក្សា អនុម័ត និងផ្សព្វផ្សាយលិខិតបទដ្ឋានគតិយុត្តនានា ដែលសរុបមានចំនួន ៦របៀបវារៈសំខាន់ៗ ៕ 

ដោយ ណយ នឿន (ប្រភព៖រដ្ឋបាលខេត្តកណ្តាល)