AKP ភ្នំពេញ ថ្ងៃទី១០ ខែមីនា ឆ្នាំ២០២៦--ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ បានអញ្ជើញដឹកនាំកិច្ចប្រជុំត្រួតពិនិត្យ និងពិភាក្សាលើវឌ្ឍនភាពការចូលរៀបចំហេដ្ឋារចនាសម្ព័ន្ធផ្គត់ផ្គង់ទឹកស្អាត និងអនាម័យ នៅបណ្តាទីតាំងមណ្ឌលទួលសុវត្ថិភាពនៃគ្រួសារជនភៀសសឹក ក្នុងខេត្តគោលដៅចំនួន ៧     នារសៀលថ្ងៃអង្គារ ទី១០ ខែមីនា ឆ្នាំ២០២៦ នៅទីស្តីការក្រសួង ។  

កិច្ចប្រជុំនេះមានការអញ្ជើញចូលរួមដោយផ្ទាល់ពីសំណាក់ ឯកឧត្តមរដ្ឋលេខាធិការប្រចាំការ ឯកឧត្តមជាថ្នាក់ដឹកនាំ  ក្រុមការងារលេខាធិការដ្ឋានគ្រប់គ្រងគ្រោះមហន្តរាយនៃក្រសួងអភិវឌ្ឍន៍ជនបទនិងតាមប្រព័ន្ធZoom ។ ក្នុងដំណើការនៃកិច្ចប្រជុំ ឯកឧត្តមរដ្ឋមន្ត្រីបានណែនាំដល់គ្រប់មន្ទីគោលដៅ បន្តយកចិត្តទុកដាក់ក្នុងការចូលរួមអន្តរាគមន៍បន្ថែមទៅតាមភាពចាំបាច់ ក៏ដូចជាសំណូមនានា ដើម្បីសម្រួលដល់ការរស់នៅរបស់ប្រជាពលរដ្ឋភៀសសឹក ដែលមិនទាន់អាចវិលត្រលប់ទៅកាន់លំនៅដ្ឋានវិញបាន៕

ដោយ៖ ពេជ្រ សំអឿន( ប្រភព៖ក្រសួងអភិវឌ្ឍន៍ជនបទ )