AKP ភ្នំពេញ ថ្ងៃទី១០ ខែមីនា ឆ្នាំ២០២៦–កម្ពុជា បាននាំចេញទំនិញទៅកាន់ទីផ្សារអន្តរជាតិទទួលបានទឹកប្រាក់ជាង ៥,២២ពាន់លានដុល្លារ គិតត្រឹមរយៈពេល ២ខែដំបូងឆ្នាំ២០២៤ កើនឡើង ១៧,២ភាគរយ បើធៀបនឹងរយៈពេលដូចគ្នាកាលពីឆ្នាំមុន ខណៈដែលការនាំចេញទៅកាន់ទីផ្សារអាម៉េរិកមានការនាំមុខ។ 

យោងតាមទិន្នន័យរបស់អគ្គនាយដ្ឋានគយ និងរដ្ឋាករកម្ពុជាបានឲ្យដឹងថា ចាប់ពីខែមករា ដល់ខែកុម្ភៈ ឆ្នាំ២០២៥ សម្រាប់ការនាំចូលមានទឹកប្រាក់ចំនួន ៥,៨៨ពាន់លានដុល្លារ កើនឡើង ១៨ភាគរយ ដែលនាំឲ្យទំហំពាណិជ្ជកម្មរបស់កម្ពុជាឈានដល់ ១១,១ពាន់លានដុល្លារ។

ប្រភពដដែលបានបញ្ជាក់ថា សម្រាប់ការនាំចេញសរុបទៅកាន់ទីផ្សារអាម៉េរិកមានតម្លៃជាង ២,២៦ពាន់លានដុល្លារ កើនឡើង ៣៩ភាគរយ, ចិនមានតម្លៃជាង ២៩៥,៦៩លានដុល្លារ កើនឡើង ៣៥,៧ភាគរយ, និងវៀតណាមមានតម្លៃជាង ៦២៥,៩៥លានដុល្លារ ធ្លាក់ចុះ ៣,៥ភាគរយ រួមនឹងទីផ្សារផ្សេងទៀត។ 

សម្រាប់ទំនិញដែលកម្ពុជានាំចេញរួមមាន សម្លៀកបំពាក់ និងគ្រឿងបន្ទាប់បន្សំដែលធ្វើឡើងពីក្រណាត់, ​ម៉ាស៊ីន និងឧបករណ៍អគ្គិសនី​,​ សម្លៀកបំពាក់ និងគ្រឿងបន្ទាប់បន្សំនៃសម្លៀកបំពាក់មិនធ្វើឡើង ពីការចាក់ដោយម្ជុលពីរ, កៅស៊ូ និងផលិតធ្វើអំពីកៅស៊ូ និងកសិផលមួយចំនួនទៀត។ 

ជាមួយគ្នានេះដែរ សម្រាប់ទំនិញនាំចូលរួមមាន រ៉ែប្រើជាគ្រឿងចំហេះ ប្រេងខនិជ និងផលិតផលពីការចម្រាញ់, ផលិតផលបានពីការចាក់ដោយម្ជុល, ម៉ាស៊ីន និងឧបករណ៍អគ្គិសនី និងបំណែកភាគរបស់វា, សម្ភារអគ្គិសនី, សរសៃអំបោះសិប្បនិម្មិតខ្លីៗ, យានក្រៅពីអយស្ម័យយាន ឬអយរថអគ្គិសនី និងសម្ភារមួយចំនួនទៀត។

ដោយ៖ ស្រីពេជ្រ