AKP ភ្នំពេញ ថ្ងៃទី០៨ ខែមីនា ឆ្នាំ២០២៦ -- ដើម្បីចូលរួមអបអរសាទរទិវាអន្តរជារិនារី អង្គការ World Vision នៅថ្ងៃទី៧ ខែមីនា ឆ្នាំ២០២៦ បានប្រារព្ធកម្មវិធី «ស្រ្តីក្នុងសម្លៀកបំពាក់ស» ដែលជាកម្មវិធីមានគោលបំណង ដើម្បីកៀរគរថវិកាដើម្បីជួយដល់ទៅដល់កុមារ ស្រ្តី និងគ្រួសារដែលរងផលប៉ះពាល់ដោយជម្លោះព្រំដែនថ្មីៗនេះ។

ស្ត្រីដើរតួយ៉ាងសំខាន់ក្នុងការបង្កើតអនាគតកាន់តែប្រសើរ អង្គការ World Vision បានរំលឹកថា នៅពេលដែលមានវិបត្តិនានាកើតឡើង ស្ត្រីច្រើនតែទទួលបន្ទុកធ្ងន់បំផុត ដោយត្រូវការថែទាំកូនៗ ការការពារគ្រួសាររបស់ពួកគេ និងការស្វែងរកវិធីដើម្បីកសាងជីវិតឱ្យប្រសើរឡើងវិញ ។

សូមថ្លែងអំណរគុណចំពោះ AmCham Cambodia  Oakwood Premier Phnom Penh  និងដៃគូពាក់ព័ន្ធដែលបានបន្តសហការជាមួយអង្គការទស្សនៈពិភពលោក ដើម្បីគាំទ្រដល់កុមារ ស្ត្រី និងគ្រួសារដែលរងផលប៉ះពាល់ដោយជម្លោះព្រំដែននាពេលកន្លងមក ៕

 ដោយ៖ ណយ នឿន (ប្រភព៖World Vision)