AKP ភ្នំពេញ ថ្ងៃទី០៦ ខែមីនា ឆ្នាំ២០២៦ -- ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការអញ្ជើញដឹកនាំកិច្ចប្រជុំអន្តរក្រសួងកម្រិតនយោបាយ ដើម្បីពិនិត្យ និងពិភាក្សាលើសេចក្តីព្រាងរបាយការណ៍វឌ្ឍនភាពប្រចាំឆ្នាំ២០២៥ នៃការអនុវត្តផែនការយុទ្ធសាស្ត្រអភិវឌ្ឍន៍ជាតិ(ផ.យ.អ.ជ.) របស់រាជរដ្ឋាភិបាល នីតិកាលទី៧ នៃរដ្ឋសភា ដោយមានការអញ្ជើញចូលរួមពីឯកឧត្តម លោកជំទាវ ជាថ្នាក់ដឹកនាំ តំណាងក្រសួងស្ថាប័ននៅទីស្តីការក្រសួងផែនការ នារសៀលថ្ងៃទី០៦ ខែមីនា ឆ្នាំ២០២៦។

របាយការណ៍វឌ្ឍនភាពប្រចាំឆ្នាំ២០២៥ ត្រូវបានរៀបចំឡើង ផ្អែកលើធាតុចូលរបស់ក្រសួង ស្ថាប័ន ដើម្បីបង្ហាញអំពីសមិទ្ធផល បញ្ហាប្រឈម និងទិសដៅបន្ត នៃការអនុវត្ត ផ.យ.អ.ជ. ហើយកិច្ចប្រជុំកម្រិតនយោបាយ នេះ បានរៀបចំឡើងក្នុងគោលបំណងដើម្បីពិនិត្យ និងសម្រេចចុងក្រោយលើសេចក្តីព្រាងរបាយការណ៍វឌ្ឍនភាពប្រចាំឆ្នាំ២០២៥ បន្ទាប់ពីបានកែសម្រួល ក្រោយកិច្ចប្រជុំអន្តរក្រសួងកម្រិតបច្ចេកទេស កាលពីថ្ងៃទី១៩ ខែកុម្ភៈ ឆ្នាំ២០២៦ កន្លងមក ដែលមានក្រសួង ស្ថាប័នចំនួន៤៦ បានចូលរួម៕

ដោយ ពេជ្រ សំអឿន (ប្រភព៖ក្រសួងផែនការ)