AKP ភ្នំពេញ ថ្ងៃទី០៤ ខែវិច្ឆិកា ឆ្នាំ២០២៥ -- ជាមួយនឹងវិសាលភាពអាជីវកម្មរបស់ក្រុមហ៊ុន Zoomlion ដែលគ្របដណ្តប់លើវិស័យចម្រុះ រួមទាំងគ្រឿងចក្រសំណង់ ឧបករណ៍រុករករ៉ែ និងគ្រឿងចក្រកសិកម្ម ព្រមទាំងផលិតផលពិសេសរបស់ខ្លួន ដែលរួមមានគ្រឿងចក្របេតុង ម៉ាស៊ីនស្ទូចសំណង់ ស្ទូចប៉ម និងវេទិកាការងារលើអាកាសផងនោះ បានធ្វើឱ្យក្រុមហ៊ុននេះមិនត្រឹមតែកាន់កាប់តំណែងជាក្រុមហ៊ុនឈានមុខគេនៅក្នុងទីផ្សារចិនប៉ុណ្ណោះទេ ប៉ុន្តែថែមទាំងមានភាពលេចធ្លោនៅលើឆាកអន្តរជាតិទៀតផងដោយទទួលបានតំណែងជាក្រុមហ៊ុនផលិតឧបករណ៍សំណង់លំដាប់កំពូលមួយក្នុងចំណោមក្រុមហ៊ុនផលិតឧបករណ៍សំណង់កំពូលទាំង៥០ នៅលើពិភពលោក។

ចំណុចខ្លាំងស្នូលរបស់ក្រុមហ៊ុន Zoomlion បានមកពីការច្នៃប្រឌិតបច្ចេកវិទ្យាជាបន្តបន្ទាប់ ដោយក្រុមហ៊ុនដំណើរការមជ្ឈមណ្ឌលស្រាវជ្រាវនិងអភិវឌ្ឍន៍កម្រិតជាតិ និងសហការជាមួយក្រុមស្រាវជ្រាវឈានមុខគេក្នុងឧស្សាហកម្ម ដោយសម្រេចបាននូវភាពជឿនលឿនក្នុងវិស័យសម្ភារៈការរចនារចនាសម្ព័ន្ធ ប្រព័ន្ធត្រួតពិនិត្យ និងបច្ចេកវិទ្យាឆ្លាតវៃ។

រាប់ចាប់តាំងពីរថយន្តបូមទឹកប៊ូមវែងបំផុតរបស់ពិភពលោក រហូតដល់គ្រឿងចក្រស្ទូចប៉មដែលមានសមត្ថភាពលើកខ្ពស់បំផុតនៅទូទាំងពិភពលោក និងឧបករណ៍ថាមពលថ្មីឈានមុខគេក្នុងឧស្សាហកម្ម ក្រុមហ៊ុន Zoomlion តែងតែនាំមុខគេក្នុងវិស័យបច្ចេកវិទ្យាជាមួយនឹងផលិតផល និងដំណោះស្រាយដ៏ល្អឥតខ្ចោះ ការផ្តល់ជូន និងសេវាកម្មរបស់ខ្លួននាពេលបច្ចុប្បន្នដែលឈានដល់ជាង ១៧០ប្រទេស និងតំបន់នៅទូទាំងពិភពលោក។

ក្រុមហ៊ុន Zoomlion បានបង្កើតមូលដ្ឋានស្រាវជ្រាវ និងអភិវឌ្ឍន៍ និងផលិតកម្មនៅបរទេសចំនួន១៣ មជ្ឈមណ្ឌលអាជីវកម្មចម្បងជាង៣០0 និងចំណុចសេវាកម្មបន្ទាប់បន្សំជាង៤០០0 នៅបរទេស ដោយប្រាក់ចំណូលនៅបរទេសមានចំនួនជាង ៥០% នៃប្រាក់ចំណូលសរុបរបស់ខ្លួន។ នៅក្នុងតំបន់អាស៊ីអាគ្នេយ៍ ផលិតផលចម្រុះរបស់ក្រុមហ៊ុន Zoomlion រួមមានគ្រឿងចក្រស្ទូចវិស្វកម្ម គ្រឿងចក្របេតុង គ្រឿងចក្រស្ទូចសំណង់ឧបករណ៍រំកិលដី និងវេទិកាការងារលើអាកាស ដែលបានរួមចំណែកដល់គម្រោងធំៗមួយចំនួន ដូចជាគម្រោងរថភ្លើងល្បឿនលឿនហ្សាការតា-បានឌុង របស់ប្រទេសឥណ្ឌូណេស៊ី គម្រោងស្ពានតេមប៊ូរ៉ុង របស់ប្រទេសប្រ៊ុយណេ គម្រោងអាកាសយានដ្ឋានអន្តរជាតិឡុងថាញ់ របស់ប្រទេសវៀតណាម គម្រោងអគារខ្ពស់កប់ពពកនៅមាត់ទឹកដ៏ល្បីល្បាញនៅទីក្រុងបាងកករបស់ប្រទេសថៃ និងគម្រោងផ្លូវដែកខ្សែឆ្នេរសមុទ្រខាងកើត របស់ប្រទេសម៉ាឡេស៊ីជាដើម។ ដំណោះស្រាយទាំងនោះគ្របដណ្តប់ទៅលើគម្រោងផ្លូវដែកល្បឿនលឿន អាកាសយានដ្ឋាន កំពង់ផែ ថាមពល ការជីកយករ៉ែ និងហេដ្ឋារចនាសម្ព័ន្ធទីក្រុង៕​​​

ដោយ៖ យា ចិន្តាខន្តី