AKP កំពង់ស្ពឺ ថ្ងៃទី០៣ ខែតុលា ឆ្នាំ២០២៥-- នៅសាលប្រជុំមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ នាថ្ងៃសុក្រ ទី០៣ ខែតុលា ឆ្នាំ២០២៥ លោក ជូ សារឹម អនុប្រធានមន្ទីរ បានចូលរួមពិធីចុះហត្ថលេខាកិច្ចសន្យាផលិតកម្មកសិកម្មស្ដីពីការផលិត និងផ្គត់ផ្គង់ស្រូវសរីរាង្គ រវាងសហគមន៍កសិកម្មក្នុងខេត្តកំពង់ស្ពឺ និងខេត្តតាកែវ ជាមួយក្រុមហ៊ុនសាជីវកម្ម សហគមន៍កសិកម្មកម្ពុជា (CACC) ក្រោមអធិបតីភាពលោកបណ្ឌិត ចាយ ជីម ប្រធាននាយកដ្ឋាន កសិ-ឧស្សាកម្មនៃក្រសួងកសិកម្ម រុក្ខាប្រមាញ់ និងនេសាទ។

សមាគមបណ្តាញកសិករ និងធម្មជាតិ (FNN)  បានសម្របសម្រួលរៀបចំពិធីចុះកិច្ចសន្យាផលិតកម្មកសិកម្មស្ដីពីផលិត និងផ្គត់ផ្គង់ស្រូវ តាមស្ដង់ដារសរីរាង្គ រវាងក្រុមហ៊ុនសាជីវកម្មសហគមន៍កសិកម្មកម្ពុជា (CACC) ជាមួយសហគមន៍កសិកម្មចំនួន៣ ក្នុងខេត្តកំពង់ស្ពឺ និងខេត្តតាកែវ រួមមានសហគមន៍ស្រូវសរីរាង្គពោធិ៍ដុះ ស្រុកត្រាំកក់ ខេត្តតាកែវ សហគមន៍កសិកម្មស្វាយចចិបមានជ័យ និងសហគមន៍តំបន់ការពារធម្មជាតិស្រែកិនភ្នំឱរ៉ាល់ និងអេកូទេសចរណ៍ខេត្តកំពង់ស្ពឺ ដែលមានបរិមាណស្រូវប្រមាណជាង៤៣០០តោន ក្នុងឆ្នាំ២០២៥-២០២៦។

ពិធីនេះមានការអញ្ជើញចូលរួមមកពីនាយកដ្ឋានកសិ-ឧស្សាហកម្ម ក្រុមហ៊ុនសាជីវកម្មកសិកម្ម តំណាងសហគមន៍កសិកម្ម និងសមាគមបណ្ដាញកសិករ និងធម្មជាតិ (FNN) ថ្នាក់ដឹកនាំមន្ទីរ និងមន្ត្រី នៃមន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ សរុបចំនួន៣០ នាក់ ក្នុងនោះស្រីចំនួន៦នាក់៕

ដោយ លឹម សាន្ត