AKP ភ្នំពេញ ថ្ងៃទី០១ ខែតុលា ឆ្នាំ២០២៥–ឯកឧត្តម ស្រ៊ុន ដារិទ្ធិ រដ្ឋលេខាធិការ ក្រសួងដែនដី នគរូបនីយកម្ម និងសំណង់ និងជាប្រធានក្រុមការងារប្រតិបត្តិប្រចាំខេត្តកំពង់ឆ្នាំង លោក ខូវ មាស អគ្គលេខាធិការរង អាជ្ញាធរទន្លេសាប នៅថ្ងៃទី៣០ ខែកញ្ញា ឆ្នាំ២០២៥ បានអញ្ជើញចូលរួមកិច្ចប្រជុំអន្តរក្រសួង ស្តីពីការពិនិត្យ ផ្ទៀងផ្ទាត់ ធ្វើបច្ចុប្បន្នភាព ចងក្រងទិន្នន័យដីធ្លីដី និងការត្រៀមរៀបចំកសាងផែនការប្រើប្រាស់ដីថ្នាក់ឃុំ សង្កាត់ ក្នុងភូមិសាស្ត្រក្រុង ស្រុកនៅជាប់បឹងទន្លេសាប​ នៃខេត្តកំពង់ឆ្នាំង។

ឯកឧត្តម ស្រ៊ុន ដារិទ្ធិ បានលើកឡើងថា គោលបំណនៃកិច្ចប្រជុំគីធ្វើបទបង្ហាញតាមបណ្តាឃុំ ស្រុក អំពីទិន្នន័យព័ត៌មានដែលប្រមូលបាន និងលទ្ធផលនៃការសំយោគព័ត៌មាន ។ ការបង្ហាញពី ឃុំ ស្រក អំពីសក្តានុពល ហេដ្ឋារចនាសម្ព័ន្ធ ផលប្រយោជន៍នៃធនធានធម្មជាតិ ការប្រកបមុខរបររបស់ប្រជាពលរដ្ឋ ការប្រើប្រាស់ដីក្នុងតំបន់២ តំបន់១ និងការការពារតំបន់៣ ។ ការពិនិត្យ និងសិក្សាលើបញ្ហាប្រឈមនានាដែលអាជ្ញាធរមូលដ្ឋានជួបប្រទះ ដំណោះស្រាយ និងលើកគោលដៅសម្រាប់ការអភិវឌ្ឍ។

ឯកឧត្តម ប្រធានអង្គប្រជុំ បានពិភាក្សាផ្លាស់ប្តូរយោបល់ និងផ្តល់ជាធាតុចូលសំខាន់ៗ លើព័ត៌មានទិន្នន័យដែលប្រមូលបាន ដើម្បីធ្វើបច្ចុប្បន្នភាព ចងក្រងទិន្នន័យដីធ្លីដី និងការត្រៀមរៀបចំកសាងផែនការប្រើប្រាស់ដីថ្នាក់ឃុំ-សង្កាត់ ប្រកបដោយចីរភាព និងអភិវឌ្ឍន៍សង្គម៕

ដោយ៖ ណយ នឿន (ប្រភព៖អាជ្ញាធរទន្លេសាប)