AKP ភ្នំពេញ ថ្ងៃទី៣០ ខែកញ្ញា ឆ្នាំ២០២៥-- ឯកឧត្តមកិត្តិសេដ្ឋាបណ្ឌិត ជាម យៀប អនុប្រធានទី១ រដ្ឋសភា តំណាងដ៏ខ្ពង់ខ្ពស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃទី៣០ ខែកញ្ញា ឆ្នាំ២០២៥ បានអញ្ជើញជាអធិបតី ក្នុងពិធីសំណេះសំណាលជាមួយក្រុមការងារគ ណៈ ប្រតិបត្តិសមាគម ជាសមាជិកយុវទូតសុច្ឆន្ទៈ និងជានាយកប្រចាំកម្មវិធី នៃសហព័ន្ធនិស្សិ តកម្ពុជានៅបរទេស នៅវិមានរដ្ឋសភា។

ក្នុងឱកាសនោះដែរឯកឧត្តម ឡុង គឹមឃន ប្រធានក្រុមប្រឹក្សាភិបាលសមាគមស ហព័ន្ធនិ ស្សិតកម្ពុជានៅបរទេស ជម្រាបជូនអំពីសារបាននៃការកកើតសមាគម ទស្សនៈវិស័យ បេសក កម្ម សកម្មភាពចម្បងៗ និងសមិទ្ធិផលការងារ ក៏ដូចជាទិសដៅការងារ ដើម្បីចូលរួមចំណែក ក្នុងការអភិវឌ្ឍសេដ្ឋកិច្ចសង្គមនៅកម្ពុជា ជាពិសេសស្របតាមយុទ្ធសាស្ត្របញ្ចកោណដំ ណាក់កាលទី១ របស់រាជរដ្ឋាភិបាលកម្ពុជាក្រោមការដឹកនាំពោរពេញដោយថាមពល និងប្រកប ដោយឆន្ទៈមុតស្រួច ចក្ខុវិស័យវែងឆ្ងាយ និងក្លៀវក្លារបស់សម្តេចមហាបវរធិបតី ហ៊ុន ម៉ាណែតនាយករដ្ឋមន្ត្រី នៃព្រះរាជាណាចក្រកម្ពុជារួចមក ។

ឯកឧត្តមកិត្តិសេដ្ឋាបណ្ឌិត ជាម យៀប បាននាំប្រសាសន៍ផ្តាំផ្ញើសួរសុខទុក្ខ និងស្វាគម ន៍យ៉ាងកក់ក្តៅពី សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជា ណាចក្រកម្ពុជា ដល់ឯកឧត្តមប្រធានក្រុមប្រឹក្សាភិបាល និងសហការីទាំងអស់ និងសូមសំដែ ងការអបអរសាទរ ដែលសមាគមសហព័ន្ធនិស្សិតកម្ពុជានៅបរទេស ស្របតាម ច្បាប់ស្តីពីស មាគម និងអង្គការមិនមែនរដ្ឋាភិបាល ដែលប្រកាសឱ្យប្រើកាលពីថ្ងៃទី១២ ខែសីហា ឆ្នាំ២០១៥ និងសូមជូនពរឯកឧត្តមប្រធាន ក្រុមប្រឹក្សាភិបាល និងសហការី ទទួល បានជោគជ័យក្នុ ងបេសកកម្មរបស់ខ្លួន។

ឯកឧត្តម អនុប្រធានទី១ បានកោតសរសើរ ដល់ឯកឧត្តមប្រធានក្រុមប្រឹក្សាភិបាល គណៈគ្រប់ គ្រង និងសហការី ដែល មានគំនិតផ្តួចផ្តើម ក្នុងការសុំជួបសំណេះសំណាលជាមួយថ្នាក់ ដឹកនាំនានា ដើម្បីស្វែងយល់ពីគោលនយោបាយរបស់រាជរដ្ឋាភិបាលកម្ពុជា ក៏ដូចជាកា រទទួលយកការចែករំលែកបទពិសោធន៍ពីថ្នាក់ដឹកនាំសមនឹងប្រសាសន៍ដ៏ខ្ពង់ខ្ពស់បំផុត សមេ្តចអគ្គមហាសេនាបតីតេជោ ហ៊ុន សែន ដែលបានលើកឡើងថា “ក្មេងមានកម្លាំងនិង ស្គាល់ផ្លូវ ឯចាស់មានបទពិសោធន៍”។

ឯកឧត្តមកិត្តិសេដ្ឋាបណ្ឌិត បានគាំទ្រដល់ទស្សនវិស័យ និងបេសកកម្មរបស់សមាគមស ហព័ន្ធនិស្សិតនៅបរទេស ដែលមានគោលដៅជំរុញឧត្តមភាពសិក្សា ការទូត សេដ្ឋកិច្ច ការផ្លាស់ប្តូរវប្បធម៌ ការកសាងមូលធនមនុស្ស និងការអភិវឌ្ឍភាពជាអ្នកដឹក នាំរបស់យុវជន កម្ពុជាជុំវិញពិភពលោក ជាពិសេសអនុសាសន៍ដ៏ខ្ពង់ខ្ពស់បំផុតចំនួន៤របស់សម្តេ ចអគ្គមហាសេនាបតីតេជោ ហ៊ុន សែន ដែលរួមមាន៖ ១. ជំរុញការអភិវឌ្ឍវិស័យអប់រំ និងវិជ្ជាជីវៈសម្រាប់និស្សិតកម្ពុជាដែលកំពុងសិក្សានៅបរទេស ២. កសាងធនធានមនុស្ស ដែលមានជំនាញ និងចំណេះដឹង ៣. ពង្រឹងបណ្តាញអន្តរជាតិ និងលើកកម្ពស់ការផ្លា ស់ប្តូរវប្បធម៌ និងទេសចរណ៍ ៤. ជាបណ្តាញធុរកិច្ច និងទាក់ទាញអ្នកវិនិយោគមកកាន់ ប្រទេសកម្ពុជា។

ក្នុងនាមរដ្ឋសភា នៃព្រះរាជាណាចក្រកម្ពុជា និងជាតំណាងរាស្ត្រ ឯកឧត្តមអនុប្រធានទី១ រដ្ឋសភា សូមយកឱកាសនេះសំដែងការថ្លែងអំណរគុណ និងដឹងគុណជាខ្លាំង ដល់រាជរដ្ឋាភិ បាលកម្ពុជា ដែលនៅតែបន្តផ្តោតការយកចិត្តទុកដាក់លើវិស័យអាទិភាពទាំង៥ គឺ មនុស្ស ផ្លូវ ភ្លើង ទឹក និងបច្ចេកវិទ្យា ដូចមានចែងយ៉ាងច្បាស់ នៅក្នុងយុទ្ឋសាស្រ្តបញ្ចកោ ណដំណាក់កា លទី១។ ជាការកត់សម្គាល់ ក្នុងរយៈពេលជាង២ឆ្នាំនេះ រាជរដ្ឋាភិបាលកម្ពុជា នីតិកាលទី៧ នៃរដ្ឋសភា សម្រេចបានសមិទ្ធផលជាច្រើន ដែលស្របតាមយុទ្ធសាស្ត្របញ្ចកោណដំណាក់ កាលទី១ និងសបញ្ជាក់ឲ្យឃើញយ៉ាងច្បាស់ថា រាជរដ្ឋាភិបាល បាននិងកំពុងដើរលើគន្លង ដ៏វិជ្ជមានមួយ ។ទន្ទឹមនឹងនេះ ក៏មានសមិទ្ធផលដ៏លេចធ្លោរបស់រាជរដ្ឋាភិបាល ត្រូវបានកត់ សម្គាល់នៅក្នុងព្រះរាជសារព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ដោយបានគូសរំលេចថាសម្តេចធិបតី ហ៊ុន ម៉ាណែត នាយក រដ្ឋមន្ត្រី នៃព្រះរាជាណាចក្រកម្ពុជា ជាថ្នាក់ដឹកនាំវ័យក្មេង ប្រកបដោយថាមពលក្លៀវក្លា បញ្ញាវាងវៃ ស្មារតីមោះមុតបន្តវេនពីសមេ្តចអគ្គមហាសេនាបតីតេជោ ហ៊ុន សែនដែលបានដឹកនាំ ប្រទេស ទទួលបាននូវសុខសន្តិភាព ស្ថិរភាពនយោបាយនិងការអភិវឌ្ឍលើគ្រប់វិស័យព្រមទាំងទទួលបានកិត្យានុភាពខ្ពស់ត្រដែតលើឆាកអន្តរជាតិ។

ឯកឧត្តមកិត្តិសេដ្ឋាបណ្ឌិត ជាម យៀប ក៏បានគូសបញ្ជាក់ថាអាណត្តិនៃរដ្ឋសភា នីតិកាលទី៧ មានរយៈពេល៥ឆ្នាំ គឺចាប់ពីឆ្នាំ២០២៣ ដល់ឆ្នាំ២០២៨ ក្នុងអាណត្តិនេះ រដ្ឋសភា ដឹកនាំដោ យសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ដែលជាស្រ្តីទី១ ក្នុងប្រវត្តិសាស្រ្តកម្ពុជា ដែលបានទទួល នូវតំណែងដ៏ឧត្តុង្គឧត្តមនេះ និងបានបំពេញមុ ខងារនីតិកម្ម តាមដានការអនុវត្តច្បាប់ មុខងារពង្រីក និងពង្រឹងការទូតសភាជាដើម។ ក្នុងមុខងារជាតំណាង និងការតាមដានការអនុវត្តច្បាប់ ថ្នាក់ដឹកនាំ សមាជិក សមាជិកា រដ្ឋសភា បានចុះបំពេញកិច្ចការទាំងថ្នាក់ជាតិ និងថ្នាក់ក្រោមជាតិ ដើម្បីស្វែងយល់ពីជីវភាព រស់នៅរបស់ប្រជាពលរដ្ឋ និងដោះស្រាយនូវសំណូមពរមួយចំនួនព្រមទាំងសំណើផ្សេងៗ របស់ប្រជាជន ដូចជា បញ្ហាគ្រោះរាំងស្ងួត រកទីផ្សារកសិផល ជម្លោះដីធ្លី អន្តរាគមន៍ជួយឧបត្ថម្ភដ ល់ប្រជាជន ជួបការលំបាក ករណីណាដែលតំណាងរាស្រ្តនឹងអាចមានលទ្ធភាព ដោះស្រាយជូនប្រ ជាពលរដ្ឋបាន ឯករណីណាដែលមិនអាចដោះស្រាយជូនបាន នឹងជួយធ្វើអន្តរាគមន៍ទៅអា ជ្ញាធរមានសមត្ថកិច្ចជួយដោះ ស្រាយបញ្ហាទាំងនោះ ជូនប្រជាពលរដ្ឋឲ្យទាន់ពេ លវេលា ជាដើម។ ក្រៅពីនេះរដ្ឋសភាបានពង្រឹងការងារការទូតសភា តាមរយៈការបំពេញទស្សន កិច្ចជាផ្លូវការ ទ្វេភាគី ឬពហុភាគី ចូលរួមប្រជុំអន្តរជាតិ ជួបសវនការ និងពិភាក្សាការងា រជាមួយអង្គទូត អង្គការជាតិ អន្តរជាតិ ក្នុងគោលបំណងពង្រឹងចំណងមិត្តភាពនិងកិច្ច សហប្រតិបត្តិការអន្តរជាតិ ទាំងក្នុងក្របខ័ណ្ឌទ្វេភាគី និងពហុភាគី។រីឯមុខងារនីតិកម្មវិញ តាំងពីនីតិកាលទី១ នៃរដ្ឋសភា រហូតមកដល់បច្ចុប្បន្ននេះ រដ្ឋសភា កម្ពុជាបានពិភាក្សា និងអនុម័តច្បាប់បាន៦៧៨ ច្បាប់ សម្រាប់ប្រើប្រាស់ និងការអភិវឌ្ឍប្រ ទេសជាតិរបស់យើង។ ជាពុទ្ឋិក្នុងការត្រិះរិះពិចារណា ឯកឧត្តមកិត្តិសេដ្ឋាបណ្ឌិត អនុប្រធា នទី១ រដ្ឋសភា សូមចូលរួមជាសំណូមពរ និងបានផ្តល់នៅអនុសាសន៍គន្លឹះមួយចំនួន ដល់ឯកឧត្តមប្រធានក្រុមប្រឹក្សាភិបាល និងសហការី ផងដែរ៕

ដោយ៖ ប៊ុនរិទ្ធ