AKP ភ្នំពេញ ថ្ងៃទី២៩ ខែកញ្ញា ឆ្នាំ២០២៥-- ប្រភពពី អង្គការអុកស្វាម Oxfam បានឱ្យដឹងនៅថ្ងៃទី២៩ ខែកញ្ញ ឆ្នាំ២០២៥ថា អង្គការ បានដឹកនាំដំណើរទស្សនកិច្ចសិក្សាទៅកាន់ប្រទេសម៉ាឡេស៊ីសម្រាប់សមាជិកបណ្តាញគាំពារសង្គមសម្រាប់ទាំងអស់គ្នាចំនួន១៨នាក់ក្នុងខែកញ្ញានេះ ដែលសម្របសម្រួលដោយដោយមជ្ឈមណ្ឌលស្រាវជ្រាវសុខុមាលភាពសង្គម។ 

អ្នកចូលរួមបានបង្កើនការយល់ដឹងអំពីកិច្ចគាំពារសង្គមប្រកបដោយបរិយាបន្ន និងសិទ្ធិការងារពីស្ថាប័នឈានមុខមួយចំនួនរួមមានមជ្ឈមណ្ឌលស្រាវជ្រាវសុខមាលភាពសង្គម មូលនិធិនិយោជិត(មូលនិធិចូលនិវត្តន៍) នាយកដ្ឋានសុខុមាលភាពសង្គម (KWAP) ក្រសួងសុខាភិបាល អង្គការសន្តិសុខសង្គម មជ្ឈមណ្ឌលស្តារនីតិសម្បទា Tun Razak និងគណៈមេធាវីម៉ាឡេស៊ី។

អង្គការ Oxfam ថ្លែងអំណរគុណយ៉ាងខ្លាំចំពោះដៃគូម៉ាឡេស៊ីសម្រាប់ការបើកចំហរ បដិសណ្ឋារកិច្ច និងការប្តេជ្ញាចិត្តរបស់ពួកគេចំពោះកិច្ចសហប្រតិបត្តិការក្នុងតំបន់ឆ្ពោះទៅរកអនាគតដែលគ្មាននរណាម្នាក់ត្រូវបានទុកចោល៕

ដោយ ណយ នឿន (ប្រភព៖ Oxfam)