AKP ភ្នំពេញថ្ងៃទី០៨ ខែកញ្ញា ឆ្នាំ២០២៥--ឯកឧត្ដមទេសរដ្ឋមន្ដ្រី  លី ធុជ បានបញ្ជាក់ថា ទង្វើសប្បុរសធម៌របស់ ប្រទេសចិន ពិតជាបាន ជំរុញសន្តិភាព ស្ថិរភាព និងភាពរុងរឿងរួមគ្នានៅទូទាំងពិភពលោក មិនថាតែកម្ពុជា ប៉ុណ្ណោះទេ ប៉ុន្តែជាគំរូ នៃតួនាទីដ៏គួរឱ្យកោតសរ សើរប្រជាជន ទាំងពីផងដែរ ។

  ឯកឧត្ដមបានបញ្ជាក់បែបនេះ នៅក្នុងពិធីផ្សព្វផ្សាយ អប់រំប្រជាពលរដ្ឋ នៅមូលដ្ឋាន នៅជាយដែន ខេត្ដមន្ទាយមានជ័យ ព្រះវិហារ និងមន្ទាយមានជ័យ អំពីគ្រោះថ្នាក់ដោយ សារមីន កាលពីថ្ងៃទី០៧ ខែកញ្ញា ឆ្នាំ២០២៥ ។

     ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានលើកឡើងថា សម្តេចធិបតីតែងចាត់ទុកសេចក្តីថ្លៃថ្នូរ និងក្តីសង្ឃឹមរបស់ប្រជាជនកម្ពុជា ជាបេះដូងនៃភាពជាអ្នក ដឹកនាំ របស់សម្តេចហើយសម្តេច ផ្តល់តម្លៃដល់គ្រប់ជីវិតមនុស្ស ដោយធានាថា មនុស្សគ្រប់រូបមានសិទ្ធិរស់នៅនិងរស់ប្រកបដោយសុវត្ថិភាព និងសេចក្តីថ្លៃថ្នូរ។ការរួមចំណែកដ៏សប្បុរសរបស់ចិន មិនត្រឹមតែឆ្លុះបញ្ចាំង ពីមិត្តភាពដែកថែបដ៏រឹងមាំរវាងកម្ពុជា និងចិនប៉ុណ្ណោះទេប៉ុន្តែ ថែមទាំង ជាការទទួលស្គាល់ ភាពជាអ្នកដឹកនាំប្រកបដោយមេត្តាធម៌ របស់សម្តេចធិបតី និង និងការយកចិត្តទុកដាក់យ៉ាងជ្រាលជ្រៅ របស់សម្តេច ចំពោះប្រជាជនកម្ពុជាផងដែរ។”

       ឯកឧត្តម ក៏បានអរគុណ ចំពោះជំនួយមនុស្សធម៌ទាន់ពេ លវេលា របស់ចិនដល់កម្ពុជាក្នុងអំឡុង ពេលដ៏លំបាកនេះ និងបានសង្កត់ធ្ងន់ថា ទង្វើសប្បុរសធម៌នេះ មិនត្រឹមតែជួយបន្ធូរបន្ថយ ទុក្ខលំបាក របស់ប្រជាជន កម្ពុជា ប៉ុណ្ណោះទេ ប៉ុន្តែជាគំរូនៃតួនាទីដ៏គួរឱ្យកោតសរសើររបស់ចិន ក្នុងការ ជំរុញសន្តិភាព ស្ថិរភាព និង ភាពរុងរឿងរួមគ្នា នៅទូទាំងពិភពលោក។  ការកសាងសហគមន៍របស់ឡើងវិញត្រូវចាប់ ផ្តើម ជាមួយ នឹងការបោសសម្អាតយុទ្ធភណ្ឌមិនទាន់ផ្ទុះ ដើម្បីធានាថា ដំណើរការនៃការកសាងឡើងវិញ មានសុវត្ថិភាព និង និរន្តរភាពហើយជាមួយគ្នា ចាំបាច់ត្រូវគាំទ្រដល់ជនរងគ្រោះជាពិសេស អ្នកដែល រងផលប៉ះពាល់ដោយសារ សង្គ្រាមថ្មីៗនេះ ដើម្បីឱ្យពួកគេអាចស្តារសេចក្តី ថ្លៃថ្នូររបស់ពួកគេ និងកសាងជីវិតរបស់ពួកគេ ឡើងវិញប្រកបដោយ ក្តីសង្ឃឹម។ ថ្មីនេះ ប្រសិនបើបងប្អូន ឃើញគ្រាប់មីន ឬគ្រាប់ជាតិផ្ទុះផ្សេងៗ សូមរាយការណ៏មកអាជ្ញាធរ នោះអាជ្ញាធរនិង រាយការណ៏មកភ្នាក់ងារអាជ្ញាធរមីនចុះទៅយកចេញភ្លាម ។
    ឯកឧត្តមទេសរដ្ឋមន្ត្រី បានលើកឡើងផងដែរថា អាជ្ញាធរមីន ត្រៀមខ្លួនជាស្រេច ក្នុងការសហការជាមួយគ្រប់ដៃគូពាក់ព័ន្ធ ដើម្បីធានាសុវត្ថិភាពដល់កិច្ចការស្តារ និងកសាងឡើងវិញនេះ ។
សូមបញ្ជាក់ថា៖ កន្លងមកថ្មីៗនេះ អំឡុងពេលនៃកិច្ចប្រ ជុំកំពូលអង្គការសហប្រតិបត្តិការ សៀងហៃ (SCO) នៅទីក្រុងធានជីន សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានអាជ្ញាធរមីន បានទទួលការធានាយ៉ាងមុតមាំអំពីការគាំទ្រពី ឯកឧត្តម ស៊ី ជីនពីងប្រធានាធិបតី នៃសាធារណរដ្ឋប្រជាមានិតចិន ដែលបានបញ្ជាក់ពីការប្តេជ្ញាចិត្តរបស់ចិនចំពោះការអភិវឌ្ឍ ភាពរឹ ងមាំ និងអធិបតេយ្យភាពជាតិរបស់កម្ពុជា។

 ឯកឧត្តមប្រធានាធិបតីស៊ី ជីនពីង បានប្រកាសផ្តល់ជំនួយមនុស្សធម៌ ចំនួន២០ លានយ៉ន់ចិន (ប្រហែល២,៨លានដុល្លារអាមេរិក) ដើម្បីជួយស្តារការខូចខាត និងកាត់បន្ថយទុក្ខលំបាករបស់ប្រជាជនរបស់យើង ដែលរងផលប៉ះពាល់ដោយ ជម្លោះប្រដាប់អាវុធនាពេលថ្មីៗនេះ ៕ 

ដោយ៖ សួស សំរិត