AKP កំពង់ចាម ថ្ងៃទី០២ ខែកញ្ញាឆ្នាំ២០២៥--  ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម នៅព្រឹកថ្ងៃទី០២ ខែកញ្ញា ឆ្នាំ២០២៥នេះ បានដឹកនាំក្រុមការងារ និងមន្ទីរអង្គភាពជំនាញពាក់ព័ន្ធ អញ្ជើញចុះពិនិត្យលក្ខណៈបច្ចេកទេសប្រព័ន្ធលូរំដោះទឹកភ្លៀង ក្នុងក្រុងកំពង់ចាមនិងគម្រោងជួសជុលកែលម្អសួនច្បារ ការដាំដើមឈើ ដើមផ្កា នៅតាមបណ្តោយផ្លូវភ្លោះស្ថិតក្នុងភូមិតាណេង សង្កាត់សំបួរមាស ក្រុងកំពង់ចាម។

ក្នុងឱកាសអញ្ជើញចុះពិនិត្យឯកឧត្តមអភិបាលខេត្ត ក៏បាន ធ្វើការណែនាំដល់ មន្ទីរ សាធារណការ និងដឹកជញ្ជូនខេត្ត មន្ទីរបរិស្ថាន និងអាជ្ញាធរក្រុង ត្រូវសហការនិងសិក្សាការអនុវត្តការងារខាងលើនេះ ដោយដាំដើមឈើនិងដើមផ្កា ចាប់ពីពេលនេះតទៅ នៅតាមដងផ្លូវភ្លោះនេះ ដើម្បីធ្វើឲ្យ សោភ័ណភាពតាមដងផ្លូវ មានភាពស្រស់បំព្រងដោយដើមឈើនិងដើមផ្កា សំដៅធ្វើឱ្យទីក្រុងកំពង់ចាម របស់យើងកាន់តែមានភាពស្រស់បំព្រង គួរជាទីទាក់ទាញដល់ភ្ញៀវទេសចរណ៍ជាតិអន្តរជាតិ មកទស្សនាកំសាន្ត ពិសេសគឺការត្រៀមខ្លួនជាស្រេចក្នុងចូលរួមប្រឡងប្រណាំងជ័យលាភីទីក្រុងស្អាត ទទួលបាននូវជ័យលាភី "ទីក្រុងស្អាត រំដួល៣ទង" ជាលើកទី៣ទផតដែលយើងទទួលបាន២ អាណត្តិជាប់ៗគ្នាមកហើយនោះ៕ 

ដោយ៖ ឆាយ ម៉ុត