AKP ភ្នំពេញ ថ្ងៃទី២៣ ខែសីហា ឆ្នាំ២០២៥ 

សម្ដេចអគ្គមហាសេនាបតីតេជោ ហ៊ុន សែន ប្រមុខរដ្ឋស្ដីទីនៃព្រះរាជាណាចក្រកម្ពុជា មានប្រសាសន៍ថា ២ឆ្នាំគ្រប់គ្រាន់និងយល់បានពីការដឹកនាំនិងគ្រប់គ្រងបានល្អពីសំណាក់ថ្នាក់ដឹកនាំជំនាន់ថ្មីលើគ្រប់វិស័យ។

នៅលើបណ្ដាញទំនាក់ទំនងសង្គម នាថ្ងៃទី២៣ ខែសីហា ឆ្នាំ២០២៥ សម្ដេចតេជោបានសរសេរថា រូបភាពនេះ៩០ភាគរយ ជាកិច្ចការរដ្ឋរវាងប្រមុខរដ្ឋស្តីទី ជាមួយនាយករដ្ឋមន្ត្រី។ សម្ដេចតេជោបន្តថា  ម្សិលមិញជាខួប២ឆ្នាំ ដែលខ្ញុំចាកចេញពីតំណែងនាយករដ្ឋមន្ត្រី ជំនួសដោយ ហ៊ុន ម៉ាណែត ជានាយករដ្ឋមន្ត្រីបន្តវេន (២២សីហា២០២៣-២២សីហា២០២៥)។ សម្ដេចតេជោគូសបញ្ជាក់ថា  ២ឆ្នាំគ្រប់គ្រាន់និងយល់បានពីការដឹកនាំនិងគ្រប់គ្រងបានល្អ ពីសំណាក់ថ្នាក់ដឹកនាំជំនាន់ថ្មីលើគ្រប់វិស័យ ទាំងនៅក្នុងរាជរដ្ឋាភិបាលទាំងមូលទាំង នៅគ្រប់ស្ថាប័នថ្នាក់ជាតិនិងថ្នាក់ក្រោមជាតិ៕

ដោយ៖ ជឹម ណារី