AKP ភ្នំពេញ ថ្ងៃទី0៤ ខែសីហា ឆ្នាំ២០២៥--

អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានឱ្យដឹងនៅមុននេះបន្តិចថា គិតមកដល់វេលាម៉ោង ០០:០១នាទីយប់ ថ្ងៃទី០៤ ខែសីហា ឆ្នាំ២០២៥នេះ សភាពការណ៍នៅជួរមុខមានសភាពស្ងប់ស្ងាត់ ប៉ុន្តែកងកម្លាំងយើង ស្ថិតក្នុងការប្រុងប្រយ័ត្នខ្ពស់។ 

អ្នកនាំពាក្យបានបញ្ជាក់សារជាថ្មីថា កម្ពុជាគោរពម៉ឺងម៉ាត់ទៅលើកិច្ចព្រមព្រៀងបទឈប់បាញ់ ដែលបានឯកភាពគ្នានៅទីក្រុងភូត្រាចាយ៉ា ប្រទេសម៉ាឡេស៊ី កាលពីថ្ងៃទី២៨ ខែកក្កដា ឆ្នាំ២០២៥។ 

អ្នកនាំពាក្យក្រសួងការពារជាតិ ក៏បានរំលឹកបងប្អូនប្រជាពលរដ្ឋឱ្យតាមដានតែព័ត៌មានពីផេកផ្លូវការ កុំឱ្យយល់ច្រឡំតាមព័ត៌មានក្លែងក្លាយ៕

ដោយ នីកា