AKP ភ្នំពេញ ថ្ងៃទី០២ ខែសីហាឆ្នាំ២០២៥--

លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី និងឯកឧត្ដម ត្រាក់ ថៃសៀង បានប្រគល់ស្បៀង និងសម្ភារៈបរិក្ខារមួយចំនួនជូនទៅសមរភូមិជួរមុខ ខេត្តព្រះវិហារ តាមរយៈបញ្ជាការដ្ឋានកងអង្គរក្ស កាលពីថ្ងៃទី៣០ ខែកក្កដា ឆ្នាំ២០២៥  កន្លងមកនេះ  ។  

ដែលអំណោយទាំងនោះមានដូចជា អង្ករចំនួន១០តោន, ទឹកពិសារបរិសុទ្ធចំនួន២០០កេស, ត្រីងៀតចំនួន៥០គីឡូក្រាម, ឆៃប៉ូវផ្អែមចំនួន២០០គីឡូក្រាម, អាគុយសាកថ្មសូឡាចំនួន៤គ្រឿង, បន្ទះសូឡាចំនួន៤គ្រឿង, តង់ចំនួន១០០ និងស័ង្កសីស្មាច់ចំនួន៥០០សន្លឹក។ នេះគឺជាការរួមចំណែកជាមួយរាជរដ្ឋាភិបាល ក្នុងការផ្គត់ផ្គង់ និងគាំទ្រដល់កងកម្លាំងប្រដាប់អាវុធ នៅសមរភូមិជួរមុខ ដែលបាននឹងកំពុងបំពេញបេសកកម្មដ៏មមាញឹក ប្រកបដោយភាពអង់អាចក្លាហាន ដើម្បីការពារអធិបតេយ្យជាតិ និងបូរណភាពទឹកដី ពីការឈ្លានពានរបស់បរទេស។

ដោយ៖ ពេជ្រ សំអឿន ,ប្រភព៖ក្រសួងកិច្ចការនារី