AKP ព្រះវិហារ ថ្ងៃទី២៨ ខែកក្កដា ឆ្នាំ២០២៥-- ឯកឧត្ដម ជា សុមេធី រដ្ឋមន្ដ្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងឯកឧត្តម គីម រិទ្ធី អភិបាលខេត្តព្រះវិហារ និងលោកជំទាវ ព្រមទាំង ឯកឧត្តម លោកជំទាវ ជាថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ នៃក្រសួងសង្គមកិច្ច អតីតយុទ្ធជន និងយុវនីតិសម្បទា នៅថ្ងៃទី២៨ ខែកក្កដា ឆ្នាំ២០២៥ បានចុះសួរសុខទុក្ខ និងនាំយកអំណោយជូនដល់ បងប្អូនជាជនភៀសសឹក ដែលកំពុងស្នាក់នៅតំបន់ទីទួលសុវត្ថិភាព ក្នុងខេត្តព្រះវិហារ។

ក្នុងឱកាសចុះសួរសុខទុក្ខនោះ ឯកឧត្ដមរដ្ឋមន្ដ្រីបានថ្លែងអំណរគុណយ៉ាងជ្រាលជ្រៅចំពោះ ឯកឧត្តម លោកជំទាវ ពុកម៉ែ បងប្អូន មិត្តភក្តិ ជាសប្បុរសជនទាំងអស់ ដែលបានឧបត្ថម្ភជាសម្ភារប្រើប្រាស់ និងថវិកាផ្ទាល់ខ្លួន ចូលរួមជាមួយក្រសួងសង្គមកិច្ច អតីតយុទ្ធជន និងយុវនីតិសម្បទា ដែលបានសបញ្ជាក់ឱ្យឃើញអំពីទឹកចិត្តដ៏ប្រពៃថ្លៃថ្លារបស់ប្រជាជនខ្មែរ ដែលជាកងទ័ពជួរក្រោយដ៏មានសាមគ្គីភាព កំឡុងពេលប្រទេសជាតិមានការឈ្លានពានពីខ្មាំងសត្រូវ៕

ដោយ ណយ នឿន (ប្រភព៖ ក្រសួងសង្គមកិច្ច )