AKP ភ្នំពេញ ថ្ងៃទី២៤ ខែកក្កដា ឆ្នាំ២០២៥ -- ចាប់ពីថ្ងៃទី២១ ដល់ថ្ងៃទី២៤ ខែកក្កដា ឆ្នាំ២០២៥ ក្រុមការងារបច្ចេកទេសអាជ្ញាធរទន្លេសាប ដឹកនាំដោយលោក លឹម ហេង អនុប្រធាននាយកដ្ឋាននីតិកម្ម និងផ្សព្វផ្សាយ បានជួយសម្របសម្រួលដល់ទីប្រឹក្សាបច្ចេកទេសរបស់ធនាគារពិភពលោកក្នុងការចុះសិក្សាស្រាវជ្រាវ និងប្រមូលធាតុចូល ដើម្បីកំណត់រៀបចំផែនការយុទ្ធសាស្ត្រសម្រាប់អាងបឹងទន្លេសាបនៃកម្មវិធីការអនុវត្តវាយតម្លៃសន្តិសុខទឹក។

ក្រុមការងារបច្ចេកទេសអាជ្ញាធរទន្លេសាបនេះបានជួយសម្របសម្រួលដល់ទីប្រឹក្សាបច្ចេកទេសរបស់ធនាគារពិភពលោកចុះសិក្សាស្រាវជ្រាវ និងប្រមូលធាតុចូលដើម្បីកំណត់រៀបចំផែន ការយុទ្ធសាស្ត្រសម្រាប់អាងបឹងទន្លេសាបនៃកម្មវិធីការអនុវត្តវាយតម្លៃសន្តិសុខទឹក ក្រោមកិច្ចសហការរវាងអាជ្ញាធរទន្លេសាប និងធនាគារពិភពលោក ធ្វើនៅខេត្តបាត់ដំបង ខេត្តបន្ទាយមានជ័យ និងខេត្តឧត្តរមានជ័យ។

ការងារនេះក៏មានកិច្ចសហការរវាងអាជ្ញាធរទន្លេសាប និងធនាគារពិភពលោក តាមបណ្តាមន្ទីរពាក់ព័ន្ធមួយចំនួន មានដូចជា មន្ទីរធនធានទឹក និងឧតុនិយម មន្ទីរកសិកម្ម រុក្ខាប្រមាញ់ និងនេសាទ, មន្ទីរអភវឌ្ឍន៍ជនបទ មន្ទីរផែនការ, មន្ទីរបរិស្ថាន មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនាវានុវត្តន៍, មន្ទីររ៉ែ និងថាមពល មន្ទីរសាធារណការ និងដឹកជញ្ជូន និងរដ្ឋាករទឹកស្វ័យយ័ត ក្នុងភូមិសាស្ត្រខេត្តចំនួន៣ រួមមាន ខេត្តបាត់ដំបង ខេត្តបន្ទាយមានជ័យ និងខេត្តឧត្តរមានជ័យ៕

ដោយ ណយ នឿន (ប្រភព៖ អាជ្ញាធរទន្លេសាប)