AKP កំពង់ចាម ថ្ងៃទី២៣ ខែកក្កដា ឆ្នាំ២០២៥--

នៅសាលាខេត្តកំពង់ចាមនាព្រឹកថ្ងៃទី២៣ខែ កក្កដាឆ្នាំ២០២៥នេះ  ឯកឧត្តម អ៊ុន ចាន់ដាអភិបាលនៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្ត បានដឹកនាំកិច្ចប្រជុំ ពិនិត្យវឌ្ឍនភាព ការអនុវត្ត បញ្ជារលេខ ០១បប ស្តីពី" យុទ្ធនាការបោសសម្អាតការឆបោក តាមប្រព័ន្ធ បច្ចេកវិទ្យា  អំពីការបង្ការ ទប់ស្កាត់ និងបង្ក្រាបបទល្មើស Online Scams នៅក្នុងភូមិសាស្ត្រខេត្ត កំពង់ចាមដោយមានការចូលរួមពី អភិបាលរងខេត្ត, នាយក នាយករងរដ្ឋបាល, កងកម្លាំងទាំងបី អភិបាលក្រុង ស្រុក ប្រធានមន្ទីរអង្គភាពជំនាញ និងមន្ត្រីពាក់ព័ន្ធមួយចំនួន។

ឯកឧត្តម អ៊ុន ចាន់ដាក៏ធ្វើការណែនាំដល់ អាជ្ញាធរតាមក្រុង ស្រុក និងសមត្ថកិច្ចពាក់ព័ន្ធទាំងអស់ ត្រូវបង្កើនកិច្ចសហការឲ្យបានរឹងមាំ ដើម្បីបង្ការទប់ស្កាត់ និងប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យាឱ្យមានប្រសិទ្ធភាពខ្ពស់ សំដៅចូលរួមចំណែកថែរក្សា ការពារសន្តិសុខ សណ្តាប់ធ្នាប់សាធារណៈ និងសុខសុវត្ថិភាពសង្គម។ត្រូវបន្តការយកចិត្តទុកដាក់ខ្ពស់ក្នុងបន្តពង្រឹងការអនុវត្តច្បាប់ សារាចរណែនាំ និងបទបញ្ជានានា ព្រមទាំងបំពេញតួនាទីភារកិច្ច ដោយទទួលខុសត្រូវខ្ពស់ ពិសេស ការបង្ក្រាបបទល្មើសឆបោកតាមប្រព័ន្ធអនឡាញ (Online Scams) ។ថ្វីបើក្នុងភូមិសាស្ត្ររបស់ខេត្តពុំមានទីតាំងល្មើសឆបោកតាមប្រព័ន្ធអនឡាញ (Online Scams) គឺយើងត្រូវបន្ត គ្រប់គ្រង ទីតាំងល្បែងទាំងឡាយណាដែលមានត្រួតពិនិត្យរួចហើយនិងរួមសហការជាអាជ្ញាធរ គ្រប់ភាគីពាក់ព័ន្ធទាំងអស់ដើម្បីរួមគ្នាទប់ស្កាត់និងបង្ក្រាបបទល្មើសគ្រប់ប្រភេទឲ្យមានប្រសិទ្ធភាពបំផុតពិសេសគឺការរួមគ្នាចូលរួម អនុវត្តគោលនយោបាយភូមិឃុំសង្កាត់មានសុវត្ថិភាពដែលជាចំណុចខ្លាំងក្នុងការទប់ស្កាត់និងបង្ក្រាបរាល់បទល្មើសបានយ៉ាងមានប្រសិទ្ធភាព៕

ដោយ៖ ឆាយ ម៉ុត