AKP ភ្នំពេញ ថ្ងៃទី២២ ខែកក្កដា ឆ្នាំ២០២៥-- ឯកឧត្តម អុល រ៉ូ រដ្ឋលេខាធិការ និងជាអនុប្រធានប្រចាំការគណៈកម្មការដឹកនាំកំណែទម្រង់វិមជ្ឈការ និងវិសហមជ្ឈការរបស់ក្រសួងសង្គមកិច្ច អតីតយុទ្ធជន និងយុវនីតិសម្បទា កាលពីថ្ងៃទី២១ ខែកក្កដា ឆ្នាំ២០២៥ បានដឹកនាំកិច្ចប្រជុំពិនិត្យលើកិច្ចការងារកំណែទម្រង់វិមជ្ឈការ និងវិសហមជ្ឈការ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា នៅខេត្តតាកែវ។

ឯកឧត្តម អុល រ៉ូ រដ្ឋលេខាធិការ មានប្រសាសន៍ថា កិច្ចប្រជុំនេះមានគោលបំណងវាយតម្លៃគុណភាពសេវា និងការអនុវត្តមុខងារដែលបានប្រគល់ទៅឱ្យរដ្ឋបាលខេត្តក្នុងការគ្រប់គ្រងមណ្ឌលថែទាំកុមាររបស់រដ្ឋ នៃអនុក្រឹត្យលេខ ៣៤ អនក្រ.បក ចុះថ្ងៃទី៧ ខែមីនា ឆ្នាំ២០១៧ ស្តីពីការប្រគល់មុខងារគ្រប់គ្រងមណ្ឌលថែទាំកុមាររបស់រដ្ឋទៅឱ្យរដ្ឋបាលរាជធានី-ខេត្ត ការប្រគល់មុខងារត្រួតពិនិត្យមណ្ឌលថែទាំកុមាររបស់អង្គភាពមិនមែនរដ្ឋាភិបាលទៅឱ្យរដ្ឋបាលរាជធានី ក្រុង-ស្រុក និងការប្រគល់មុខងារគ្រប់គ្រងសេវាថែទាំកុមាររងគ្រោះ និងងាយរងគ្រោះនៅក្នុងសហគមន៍ទៅឱ្យរដ្ឋបាលរាជធានី រដ្ឋបាលក្រុង និងរដ្ឋបាលឃុំ ។

ក្នុងកិច្ចប្រជុំនេះមានការចូលរួមពីឯកឧត្តមអគ្គនាយកគោលនយោបាយសង្គមកិច្ច អភិបាលរងខេត្ត អគ្គនាយករងតំណាងអគ្គនាយកដ្ឋានស្តារសម្បទា ប្រធាននាយកដ្ឋានជំនាញ អនុប្រធាននាយកដ្ឋានតំណាងនាយកដ្ឋានកិច្ចការពារកុមារ អភិបាលរងក្រុងដូនកែវតំណាងការិយាល័យសង្គមកិច្ចនិងសុខុមាលភាពសង្គម ចៅសង្កាត់រកាក្នុង គ.ក.ន.ក. និងអ្នកពាក់ព័ន្ធជាច្រើនរូបទៀត៕

ដោយ ណយ នឿន (ប្រភព៖ ក្រសួងសង្គមកិច្ច)