AKP ភ្នំពេញ ថ្ងៃទី២០ ខែកក្ដដា ឆ្នាំ២០២៥…..

សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ បានអញ្ជើញថ្វាយគ្រឿងសក្ការៈ ថ្វាយភ្លេងពិណពាទ្យតាមសាសនាប្រពៃណីខ្មែរ និងរបាំថ្វាយដល់បារមី ព្រះនាងក្រពុំឈូក ដែលមានទីតាំងនៅវត្តវិហារធំសសរ១០០ ស្ថិតក្នុងភូមិសំបូរ ឃុំសំបូរ ស្រុកសំបូរ ខេត្តក្រចេះ ដើម្បីសុំសេចក្តីសុខ ចម្រើនជូនជាតិ និងប្រជាពលរដ្ឋខ្មែរ នារសៀលថ្ងៃសៅរ៍ ៩រោច ខែអាសាឍ ឆ្នាំម្សាញ់ សប្តស័កព.ស.២៥៦៩ ត្រូវនឹងថ្ងៃទី១៩ ខែកក្កដា ឆ្នាំ២០២៥។

សម្តេចកិត្តិង្គហបណ្ឌិត ម៉ែន សំអន បានបួងសួងថ្វាយព្រះពរជ័យ ថ្វាយព្រះមហាក្សត្រ ព្រះមហាក្សត្រី ជាសម្តេចម៉ែ សម្តេចយាយ សម្តេចយាយទួត មុនីនាថសីហនុ និងប្រគេនពរ ជ័យថ្វាយដល់សម្តេចសង្ឃទាំងពីរគណៈ ព្រះត្ថេរានុថេរៈគ្រប់ព្រះអង្គ និងជូនពរជ័យ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន សម្តេចមហាបវរធិបតីហ៊ុន ម៉ាណែន នាយករដ្ឋមន្ត្រី នៃកម្ពុជានិងលោកជំទាវបណ្ឌិតពេជ ចន្ទមុន្នី ថ្នាក់ដឹកនាំ សមាជិកសមាជិកាព្រឹទ្ធសភា រដ្ឋសភា សមាជិ សមាជិការ រាជរដ្ឋាភិបាល ព្រមទាំងប្រជាពលរដ្ឋនៅទូទាំងប្រទេស សូមឲ្យជួបសេចក្តីសុខ ចម្រើនគ្រប់ៗគ្នា ជាពិសេស សូមឱ្យគ្រប់ក្រុមគ្រួសារជៀសផុតនូវជំងឺកាចសាហាវផ្សេងៗ និងទទួលបាននូវពុទ្ធពរទាំង ៤ប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។

សូមបញ្ជាក់ថា៖ បច្ចុប្បន្ននេះក្រោមការដឹកនាំដោយ សម្តេចបវរធិបតី ហ៊ុន ម៉ាណែត ជានាយករដ្ឋមន្ត្រីបន្តវេនពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា ជាប្រធានគណបក្សប្រជាជនកម្ពុជា ដែលបានដឹកនាំ បង្រួបបង្រួម ផ្សះផ្សារជាតិ តាមរយៈការដាក់ចេញគោលនយោបាយឈ្នះឈ្នះ រហូតធ្វើឱ្យប្រទេសកម្ពុជា បានបិទបញ្ចប់ភ្លើងសង្គ្រាមស៉ីវិលទាំងស្រុង បញ្ចប់អង្គការចាត់តាំងយោធាខ្មែរក្រហមនៅឆ្នាំ១៩៩៨មកម្លេះ រហូតដល់សពថ្ងៃប្រទេសជាតិមានសុខសន្ដិភាពពេញពេញ ប្រជាពលរដ្ឋរស់នៅប្រកដោយសុខដុមរមនា ៕ 

ដោយ សួស សំរិត