AKP ភ្នំពេញ ថ្ងៃទី១៥ ខែកក្កដា ឆ្នាំ២០២៥ -- ទេពកោសល្យវាយកូនបាល់របស់កីឡាករ អ៊ីវ៉ាន់ អ៊ីវ៉ាណូវ (Ivan Ivanov) បានក្លាយជាកីឡាករជនជាតិប៊ុលហ្គារីទីពីរដែលមិនធ្លាប់មានរបស់ប្រទេសប៊ុលហ្គារីដែលបានឈ្នះពានរង្វាន់ជើងឯកវាយកូនបាល់យុវជនវីមប្លឺដុន (Wimbledon Junior Championships)។ កីឡាករវ័យ ១៦ឆ្នាំរូបនេះបានការប្រកួតដ៏ល្អឥតខ្ចោះដោយមិនចាញ់សូម្បីតែមួយសិតនៅក្នុងការប្រកួតចំនួន ៦សិត ខណៈដែលខ្លួនបានលើកពាននេះកាលពីថ្ងៃអាទិត្យបន្ទាប់ពីការឈ្នះកីឡាករអាម៉េរិក រ៉ូនីត កាគី (Ronit Karki) ក្នុងលទ្ធផល​ ៦-២ ​និង ៦-៣។

កីឡាករជនជាតិប៊ុលហ្គារីតែមួយគត់ដែលធ្លាប់ឈ្នះការប្រកួត Grand Slam គឺកីឡាករ ហ្រ្គីង៉ូរ ឌីមីត្រូវ (Grigor Dimitrov) ដែលជាកីឡាករវាយកូនបាល់បុរសដ៏អស្ចារ្យបំផុតរបស់ប្រទេសប៊ុលហ្គារីដែលបានឈ្នះការប្រកួតនៅក្នុងឆ្នាំ២០០៨។ មិនមានកីឡាករជនជាតិប៊ុលហ្គារីណាម្នាក់បានឈានដល់វគ្គផ្តាច់ព្រ័ត្រនោះទេសម្រាប់ការប្រកួតពានរង្វាន់នេះ។

កីឡាករ អ៊ីវ៉ាណូវ បានទីកាន់ទីក្រុងឡុងដ៍ដែលជាប់ចំណាត់ថ្នាក់ទី៦ សម្រាប់កីឡាករវ័យក្មេងនៃសហព័ន្ធកីឡាវាយកូនបាល់អន្តរជាតិ។ បន្ទាប់ពីការប្រកួតវគ្គពាក់កណ្តាលផ្តាច់ព្រ័ត្រនៅ ទីលានវាយកូនបាល់រ៉ូលែនហ្គារ៉ូស (Roland Garros) ពេលនេះ គេទទួលបានពានរង្វាន់ Grand Slam ជាលើកដំបូងរបស់ខ្លួន។

កីឡាករជនជាតិប៊ុលហ្គារីម្នាក់ទៀត គឺកីឡាករ អាឡិចសាន់ដឺរ វ៉ាស៊ីឡេវ (Alexander Vasilev) ក៏បានឡើងដល់វគ្គពាក់កណ្តាលផ្តាច់ព្រ័ត្រដែរ ប៉ុន្តែបានប្រកួតចាញ់ដៃក្នុងការប្រកួតបីសិត៕

ដោយ៖ យា ចិន្ដាខន្ដី (ប្រភព៖ BTA)