AKP ភ្នំពេញ ថ្ងៃទី១០ ខែកក្កដា ឆ្នាំ២០២៥ -- ប្រព័ន្ធផ្សព្វផ្សាយរដ្ឋរបស់ប្រទេសកូរ៉េខាងជើងបានរាយការណ៍កាលពីថ្ងៃពុធថា រដ្ឋមន្ត្រីការបរទេសកូរ៉េខាងជើង លោកស្រី ចូ សុនហ៊ុយ (Choe Son-hui) បានផ្ញើសារអបអរសាទរទៅកាន់រដ្ឋមន្ត្រីការបរទេសថ្មីរបស់ប៉ាឡេស្ទីន។

យោងតាមទីភ្នាក់ងារសារព័ត៌មានកណ្តាលកូរ៉េ (KCNA) បានឱ្យដឹងថា នៅក្នុងសារដែលបានផ្ញើកាលពីថ្ងៃសៅរ៍មុនទៅកាន់រដ្ឋមន្ត្រីការបរទេសប៉ាឡេស្ទីនថ្មី លោកស្រី វ៉ាសេន អាហ្គហាបេគីអាន សាហ៊ីន (VarsenAghabekian Shahin) លោកស្រី ចូ បានសម្តែងក្តីសង្ឃឹមថា ទំនាក់ទំនងមិត្តភាពទ្វេភាគីរបស់រដ្ឋមន្ដ្រីទាំងពីរអាចត្រូវបានអភិវឌ្ឍបន្ថែមទៀត។

ទីភ្នាក់ងារ​ KCNA បានរាយការណ៍ថា លោកស្រី ចូ ក៏បានបង្ហាញពីបំណងចង់ឱ្យរដ្ឋមន្ត្រីប៉ាឡេស្ទីនទទួលបានជោគជ័យក្នុងការងាររបស់លោកស្រីនៅលើឆាកអន្តរជាតិ ដើម្បីលើកកម្ពស់សិទ្ធិស្របច្បាប់របស់ប្រជាជនប៉ាឡេស្ទីន។

ប្រទេសកូរ៉េខាងជើង​បាន​ការពារ​ប៉ាឡេស្ទីន​ជាយូរ​មក​ហើយ​ក្នុង​ជម្លោះ​របស់​ខ្លួន​ជាមួយ​អ៊ីស្រាអែល​ជុំវិញ​ទឹកដី​ហ្គាហ្សា ដោយ​រិះគន់​អ៊ីស្រាអែល​ថា​ចង់​ដណ្តើម​យក​ទឹកដី​ប៉ាឡេស្ទីន៕

ដោយ៖ មូល មិនា (ប្រភព៖ យ៉ុនហាប់)