AKP ភ្នំពេញ ថ្ងៃទី១០ ខែកក្កដា ឆ្នាំ២០២៥-- ឯកឧត្តម ហេង ណន រដ្ឋលេខាធិការ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ តំណាងដ៏ខ្ពង់ខ្ពស់ ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកកោះធំ ដឹកនាំក្រុមការងារររាជរដ្ឋាភិបាលចុះមូលដ្ឋានស្រុកកោះធំ នាំយកទៀនព្រះវស្សា និងទេយ្យវត្ថុ វេរប្រគេនដល់ព្រះសង្ឃគង់ចាំព្រះវស្សាចំនួន២០វត្ត នៅស្រុកកោះធំ ខេត្តកណ្តាល កាលពីថ្ងៃពុធ ទី០៩ ខែកក្កដា ឆ្នាំ២០២៥  ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាក្រុមការងារ និងពុទ្ធបរិស័ទចំណុះជើងវត្តយ៉ាងច្រើនកុះករ។

ថ្លែងក្នុងឱកាសនោះ ឯកឧត្តមក៏បាននាំយកការសួរសុខទុក្ខ និងជូនពរពីសំណាក់ឯកឧត្តមប្រធាន ជូនចំពោះព្រះថេរានុត្ថេរ: និងពុទ្ធបរិស័ទ គ្រប់អង្គ/នាក់ និងឆ្លៀតផ្សព្វផ្សាយអំពីផ្លែផ្កានៃសន្តិភាព ដែលកម្ពុជាកំពុងទទួលបាន ព្រមទាំងតួនាទីដ៏សំខាន់របស់ព្រះពុទ្ធសាសនាក្នុងការចូលរួមជួយថែរក្សានូវប្រពៃណី  ទំនៀមទម្លាប់ វប្បធម៌ជាតិ អក្សរសាស្ត្រ និងអប់រំបណ្តុះបណ្តាលធនធានមនុស្ស៕

ដោយ៖ ពេជ្រ សំអឿន (ប្រភព៖ ក្រសួងសាធារណការ និងដឹកជញ្ជូន)