AKP កណ្ដាល ថ្ងៃទី០៧ ខែកក្កដា ឆ្នាំ២០២៥--

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសំណេះសំណាល សួរសុខទុក្ខ និងចែកអំណោយមនុស្សធម៌ ជូនដល់ប្រជាជនងាយរងគ្រោះបំផុតចំនួន ៦២១គ្រួសារ ស្មើនឹង ១៨៦ភូមិ នៃ២៣ឃុំសង្កាត់ មកពីក្រុង-ស្រុកចំនួន០៣គឺ ស្រុកស្អាង ស្រុកកោះធំ និងក្រុងសំពៅពូន ខេត្តកណ្តាល នៅក្នុងបរិវេណកីឡដ្ឋានស្រុកកោះធំ ស្ថិតនៅក្នុងភូមិព្រែកថ្មី ឃុំព្រែកថ្មី ស្រុកកោះធំ ខេត្តកណ្តាល នាថ្ងៃទី០៧ ខែកក្កដា ឆ្នាំ២០២៥។

ពិធីនេះមានបងប្អូនប្រជាពលរដ្ឋជាគ្រួសារងាយរងគ្រោះសរុបចំនួន ៦២១គ្រួសារ ដែលមានចាស់ជរាឥតទីពឹងចំនួន ២៨១គ្រួសារ ជនមានពិការភាពចំនួន ១៣៣គ្រួសារ កុមារកំព្រាចំនួន០៨គ្រួសារ អ្នកផ្ទុកមេរោគអេដស៍ចំនួន៥៩គ្រួសារ ស្ត្រីមេម៉ាយកូនច្រើនក្នុងបន្ទុកចំនួន ១២៨ គ្រួសារ និងគ្រួសារក្រីក្រ១២គ្រួសារ ស្រុកស្អាងចំនួន ១០០គ្រួសារ ក្រុងសំពៅពូនចំនូន ១០០គ្រួសារ និងស្រុកកោះធំចំនួន ៤២១គ្រួសារ៕

ដោយ ណយ នឿន (ប្រភព៖ រដ្ឋបាលស្រុកកោះធំ)