AKP ព្រះសីហនុ ថ្ងៃទី៤ ខែមិថុនា ឆ្នាំ២០២៥--

 ឯកឧត្តម ម៉ាង ស៊ីណេត អភិបាលខេត្តព្រះសីហនុនិងឯកឧត្តម វ៉ាង ឈីងស៊ាន អភិបាលខេត្តអានហ៊ួយ លើវិស័យសេដ្ឋកិច្ច ពាណិជ្ជកម្ម កសិកម្ម អប់រំ បច្ចេកវិទ្យា វិទ្យាសាស្ត្រ វប្បធម៌ ទេសចរណ៍ និងហេដ្ឋារចនាសម្ព័ន្ធ
ទីក្រុងហ័ងសាន ។

  ជំនួបសម្តែងការគួសម និងពិភាក្សាការងាររវាង ឯកឧត្តម ម៉ាង ស៊ីណេត អភិបាល នៃគណៈអភិ បាលខេត្តព្រះសីហនុ ព្រះរាជាណាចក្រកម្ពុជា និងឯកឧត្តម វ៉ាង ឈីងស៊ាន (WANG QING XIAN) អភិបាលខេត្តអានហ៊ួយ សាធារណរដ្ឋប្រជាមានិតចិន នៅទីក្រុង ហ័ងសាន នៃខេត្តអានហ៊ួយ ថ្ងៃពុធទី៤ ខែមិថុនា ឆ្នាំ២០២៥ ។ 

  ឯកឧត្តម វ៉ាង ឈីងស៊ាន អភិបាលខេត្តអានហ៊ួយ (ប្រទេសចិន ) បានស្វាគមន៍ចំពោះវត្តមានរបស់គណៈប្រតិភូខេត្តសីហនុដឹកនាំដោយ ឯកឧត្តម ម៉ាង ស៊ីណេត អភិបាលខេត្តព្រះសីហនុ ។ ឯកឧត្តម អភិបាលខេត្តអានហ៊ួយ ក៏បានលើកឡើងអំពីស្ថានភាពភូមិសាស្រ្ត ប្រជាសាស្ត្រ និងសក្តានុពលរបស់ខេត្តអានហួយ ដែលជាខេត្តមានការអភិវឌ្ឍខ្លាំងលើវិស័យឧស្សាហកម្ម បច្ចេកវិទ្យានិងជាខេត្តមួយដែលមានចំណូលខ្ពស់សម្រាប់ប្រទេសចិន និងនាំមុខគេក្នុងការផលិតរថយន្តប្រើចរន្តអគ្គីសនី  និងថាមពលផ្សេងៗ ដែលមានការនាំចេញរហូតដល់ជាងមួយលានគ្រឿងនៅក្នុងមួយឆ្នាំផងដែរ។  

ឯកឧត្តម អភិបាលខេត្តអានហ៊ួយ ក៏បានលើកឡើងអំពីទំនាក់ទំនងចិន និងកម្ពុជា បានបង្កើតជាផ្លូវការក្នុងឆ្នាំ១៩៥៨ គិតមកដល់ឆ្នាំនេះមានរយៈពេល ៦៧ឆ្នាំ ប៉ុន្តែប្រជាជននៃប្រទេសទាំងពីរមានការប្រាស្រ័យទាក់ទងគ្នាយ៉ាងជិតស្និទ្ធរាប់រយឆ្នាំកន្លងមក។ ហើយទំនាក់ទំនងនេះជាទំនាក់ទំនង (មិត្តភាពដែកថែប និងជាដៃគូយុទ្ធសាស្ត្រគ្រប់ ជ្រុងជ្រោយ) ជាលទ្ធផល នៃភាពស៊ីសង្វាក់គ្នារវាង យុទ្ធសាស្ត្រចតុកោណ និងយុទ្ធសាស្រ្តបច្ចកោណ របស់រដ្ឋាភិបាលកម្ពុជា ក្រោមការដឹកនាំរបស់សម្តេចតេជោ ហ៊ុន សែន អតីតនាយករដ្ឋមន្ត្រី និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងគោលនយោបាយ «ខ្សែក្រវាត់ និងផ្លូវ» របស់ឯកឧត្តមប្រធានាធិបតី ស៊ី ជីនពីង។ តាមរយៈទំនាក់ទំនងការទូត នៃប្រទេសទាំងពីរ ក្នុងនោះក្រុងព្រះសីហនុ នៃខេត្តព្រះសីហនុ បានចុះហត្ថលេខាលើលិខិតផ្តួចផ្តើម (Letter of Intent) ជាមួយទីក្រុងស៊ូចូវ នៃខេត្តអានហ៊ួយ កាលពីថ្ងៃទី២៤ ខែមេសា ឆ្នាំ២០១៧ បានព្រមព្រៀងគ្នាបង្កើតកិច្ចសហប្រតិ បត្តិការលើវិស័យសេដ្ឋកិច្ច ពាណិជ្ជកម្ម វិទ្យា សាស្ត្រ បច្ចេកទេស វប្បធម៌ អប់រំកីឡា អនាម័យ ធនធានមនុស្ស និងទេសចរណ៍។ ហើយស្រុក ព្រៃនប់ នៃខេត្តព្រះសីហនុ និងស្រុកយ៉ុងឈាវ នៃក្រុងស៊ូចូវ ក៏បានចុះហត្ថលេខាលើលិខិតផ្តួចផ្តើម (Letter of Intent) កាលពីឆ្នាំ២០១៦ ដោយព្រម ព្រៀងគ្នាបង្កើតកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម វិទ្យាសាស្ត្រ បច្ចេកទេស វប្បធម៌ ការអប់រំកីឡា អនាម័យ ធនធានមនុស្ស និងទេសចរណ៍ផងដែរ។ ក្រោមលទ្ធផលផ្លែផ្កានេះ ខេត្តយើងទាំងពីរ ក៏បានបន្តខិតខំជំរុញកិច្ចសហប្រតិបត្តិការមិត្តភាព និងទំនាក់ទំនងឱ្យកាន់តែស៊ី ជម្រៅថែមទៀត តាមរយៈការចុះហត្ថលេខាលើកិច្ចព្រមព្រៀង ស្តីពីការបង្កើតខេត្តសម្ព័ន្ធមេត្រីភាពរវាងខេត្តព្រះសីហនុ និងខេត្តអានហ៊ួយ ដែលនឹងធ្វើឡើងនៅថ្ងៃស្អែកនេះ។  ផ្អែកតាមគោលការណ៍សមភាព និងផ្តល់ផលប្រយោជន៍ឱ្យគ្នាទៅវិញ ទៅមក ហើយភាគីទាំងពីរនឹងផ្លាស់ប្តូរទំនាក់ទំនងមិត្តភាព និងកិច្ចសហប្រតិបត្តិការលើវិស័យមួយ ចំនួនដូចជា សេដ្ឋកិច្ច ពាណិជ្ជកម្ម កសិកម្ម ការអប់រំ បច្ចេកវិទ្យា និងវិទ្យាសាស្ត្រ វប្បធម៌ ទេសចរណ៍ និងហេដ្ឋារចនាសម្ព័ន្ធ។  

   ក្នុងឱកាសនេះ ឯកឧត្តម ម៉ាង ស៊ីណេត អភិបាល ខេត្តព្រះសីហនុ ក៏បានសម្តែងនូវក្តីរីករាយ នៃកិច្ចជំនួបពិភាក្សាការងារយ៉ាងស្និទ្ធស្នាលជាមួយឯកឧត្តម អភិបាលខេត្ត និងថ្នាក់ដឹកនាំនៃខេត្តអានហ៊ួយ ព្រមទាំងទទួលបានការស្វាគមន៍គណៈប្រតិភូខេត្តព្រះសីហនុ យ៉ាងកក់ ក្តៅបំផុត។ 
 ឯកឧត្តម អភិបាលខេត្តព្រះសីហនុ សង្ឃឹមយ៉ាងមុតមាំថា កិច្ចសហប្រតិបត្តិការរវាងខេត្តព្រះសីហនុ និងខេត្តអានហ៊ួយ លើវិស័យសេដ្ឋកិច្ច ពាណិជ្ជកម្ម កសិកម្ម អប់រំ បច្ចេកវិទ្យានិងវិទ្យាសាស្ត្រ វប្បធម៌ ទេសចរណ៍ និងហេដ្ឋារចនា សម្ព័ន្ធ នឹងទទួលបានលទ្ធផលជាផ្លែផ្កាកាន់តែល្អប្រសើរ។ 

  ជាមួយគ្នានេះ ឯកឧត្តម អភិបាលខេត្តព្រះសីហនុ បានស្នើសុំឯកឧត្តមអភិបាលខេត្តអានហ៊ួយ ជួយជំរុញវិនិយោគគិន និងភ្ញៀវទេសចរណ៍ឱ្យទៅបណ្តាក់ទុនវិនិយោគ និងទស្សនាកំសាន្តនៅខេត្តព្រះសីហនុ ឱ្យកាន់តែច្រើនថែមទៀត។ បន្ថែមពីលើនេះទៀត គឺស្នើសុំ ឯកឧត្តម អភិបាលខេត្តអានហ៊ួយ ជួយជំរុញការរៀបចំតភ្ជាប់ជើងហោះ ហើរត្រង់ពីខេត្តអានហ៊ួយទៅខេត្តព្រះសីហនុ។ ព្រមទាំងបានអញ្ជើញ ឯកឧត្តម អភិបាលខេត្តអានហ៊ួយ មកធ្វើទស្សនកិច្ចនៅខេត្តព្រះសីហនុ ទៅ តាមពេលវេលាសមស្របណាមួយ ។

ជាការឆ្លើយតបឯកឧត្តម អភិបាលខេត្តអានហ៊ួយ បានទទួលយកសំណើរបស់ឯកឧត្តម អភិបាលខេត្តព្រះសីហនុ ក្នុងការពង្រឹងកិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម កសិកម្ម អប់រំ បច្ចេក វិទ្យា វិទ្យាសាស្ត្រ វប្បធម៌ ទេសចរណ៍ និងហេដ្ឋារចនាសម្ព័ន្ធ។ ជាពិសេសឯកឧត្តម នឹងខិតខំជំរុញការរៀបចំជើងហោះហើរត្រង់ពីខេត្តអានហ៊ួយទៅកាន់ខេត្តព្រះសីហនុ៕

ដោយ៖ ងូ សុមុនី