AKP ភ្នំពេញ ថ្ងៃទី២៩ ខែឧសភា ឆ្នាំ២០២៥--

អង្គការ WWF-កម្ពុជា សហការរៀបចំតំបន់ទេសចរណ៍ធម្មជាតិបែបផ្សងព្រេង ជាមួយមន្ទីរទេសចរណ៍ខេត្តក្រចេះ និងដៃគូពាក់ព័ន្ធសំខាន់ៗ ដើម្បីចូលរួមលើកកម្ពស់វិស័យទេសចរណ៍បែបផ្សងព្រេងតាមសហគមន៍នៅតំបន់ការពារសត្វក្តាន់ ក្នុងស្រុកព្រែកប្រសព្វ ខេត្តក្រចេះ។

មន្ត្រីអង្គការ WWF បានឱ្យដឹងនៅថ្ងៃទី២៨ ខែឧសភា ឆ្នាំ២០២៥ថា យើងកំពុងរៀបចំ និងពិនិត្យ ដើម្បីរៀបចំកន្លែងបោះតង់កម្សាន្ត កន្លែងដាំដើមឈើ ប៉មមើលសត្វព្រៃ និងកែលម្អផ្លូវចូលសម្រាប់ភ្ញៀវទេសចរ។ កិច្ចខិតខំប្រឹងប្រែងរួមគ្នានេះគឺជាការរួមចំណែកដ៏មានសារសំខាន់ក្នុងការការពារធម្មជាតិ ខណៈពេលដែលជួយដល់ការលើកកម្ពស់ជីវភាពសហគមន៍ ដោយបង្ហាញថាការអភិរក្ស និងការអភិវឌ្ឍន៍សហគមន៍ដើរទន្ទឹមគ្នា៕

ដោយ ណយ នឿន (ប្រភព៖ WWF)