AKP ភ្នំពេញ ថ្ងៃទី២១ ខែឧសភា ឆ្នាំ២០២៥–សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី២១ ខែឧសភា ឆ្នាំ២០២៥នេះ អញ្ជើញជាអធិបតី ក្នុងពិធីសម្ពោធសមិទ្ធផលកំណែទម្រង់វិទ្យាស្ថានជាតិអប់រំ និងពិធីប្រគល់ សញ្ញាបត្រជូនដល់និស្សិត និងគរុនិស្សិត នៅវិទ្យាស្ថានជាតិអប់រំ។

នៅក្នុងបរិវេណនៃវិទ្យាស្ថានជាតិអប់រំទាំងមូល ដែលមានផ្ទៃក្រឡាសរុប២៧,១៩៨ម៉ែត្រ ក្រឡា ទទួលបានការកែលម្អទាំងស្រុង ទាំងក្នុង និងក្រៅបរិវេណ ដូចខាងក្រោម៖

ទី១) ការសាងសង់អគារសិក្សា មហាវិទ្យាល័យគរុកោសល្យ មួយខ្នង ដែលជាអំណោយ ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និង សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុន សែន។ អគារសិក្សានេះរួមមាន បន្ទប់សិក្សា ៣៦, បន្ទប់ ពិសោធន៍វិទ្យាសាស្ត្រ ៤, បន្ទប់កុំព្យូទ័រ ២ មានកុំព្យូរទ័រ៦០គ្រឿង, មជ្ឈមណ្ឌលសិក្សា អេឡិចត្រូនិក, បន្ទប់សាស្ត្រាចារ្យ, បន្ទប់គណៈគ្រប់គ្រងមហាវិទ្យាល័យគរុកោសល្យ និងដេប៉ាតឺម៉ង់ទាំង៣, បណ្ណាគារ, គរុកាហ្វេ, និងអាហារដ្ឋាន។ គ្រប់បន្ទប់រៀនទាំង អស់ត្រូវបានបំពាក់សម្ភារៈថ្នាក់រៀនវៃឆ្លាត និងឧបករណ៍បច្ចេកវិទ្យា ដើម្បីគាំទ្រដល់ ការបណ្តុះបណ្តាលសតវត្សរ៍ទី២១។ អគារនេះមានចំណតរថយន្តក្រោមដីមួយជាន់។ អគារសិក្សានេះដើរតួនាទីស្នូល បរិញ្ញាបត្របូក ២ (BA+2)។ ក្នុងការបណ្តុះបណ្តាលគ្រូបង្រៀនកម្រិតឧត្តម

ទី២) ការសាងសង់បណ្ណាល័យ សម្តេចព្រះសង្ឃរាជ ជួន ណាត មួយខ្នង ដែល មានកម្ពស់ ៥ជាន់ ស្មើនឹង ៣៧បន្ទប់ ក្រោមហិរញ្ញប្បទានកម្ចីពីធនាគារអភិវឌ្ឍន៍ អាស៊ី (ADB)។ បណ្ណាល័យសម្តេចព្រះសង្ឃរាជ ជួន ណាត ត្រូវបានរចនាឡើង ដោយឈរលើទស្សនាទានបីរួមគ្នាគឺ អប់រំ វប្បធម៌ និងសាសនា។ អគារនេះមានទម្រង់ ជាអក្សរ «រ» នៅពីលើអក្សរ «អ» ដែលតំណាងឱ្យការអប់រំ ដោយប្រើប្រាស់ខឿន និង ផ្កាភ្ញីប្រាសាទអង្គរ ដែលតំណាងឱ្យវប្បធម៌ជាតិ និងមានដំបូលលើមាត់ទ្វាររាងដូច ដំបូលព្រះវិហារ ដែលតំណាងឱ្យព្រះពុទ្ធសាសនា។ បណ្ណាល័យបានប្រមូលផ្តុំឯកសារ ស្តីពីការអប់រំរបស់កម្ពុជា ចាប់តាំងពីមុនសម័យអណានិគមបារាំង រហូតដល់ពេលបច្ចុប្បន្ន និងរួមទាំងបណ្ណាល័យទូរនិម្មិត ដែលសិស្ស និស្សិត គ្រូបង្រៀន និងអ្នកស្រាវជ្រាវអាចចូលមើល និងស្រាវជ្រាវបានដោយសេរី។ បណ្ណាល័យមានបំពាក់ សៀវភៅពាក់ព័ន្ធនឹងការអប់រំជាង ២ម៉ឺនក្បាល សាលអានដែលមានច្រើនទម្រង់ បន្ទប់ស្វ័យសិក្សា និងធ្វើការជាក្រុម បន្ទប់ស្ទូឌីយ៉ូសម្រាប់ស្តាប់ និងមើលវីដេអូ បន្ទប់ កុំព្យូទ័រសម្រាប់ស្រាវជ្រាវឯកសារ បន្ទប់ប្រជុំ ការិយាល័យធ្វើការរបស់បណ្ណារក្ស បន្ទប់ រក្សាឯកសារក្រោមដី បន្ទប់ថែទាំទារកសម្រាប់ស្ត្រីមានកូនតូច។ បណ្ណាល័យនេះនឹង ក្លាយទៅជាបណ្ណាល័យឯកទេសអប់រំ សតវត្សទី២១ ដំបូងបង្អស់នៅកម្ពុជា។

ទី៣) ជួសជុលអគារបេតិកភណ្ឌ អគារសិក្សា និងអគារការិយាល័យចំនួន ១៦ ដែលរួម ទាំងអគារសិក្សានៃវិទ្យាល័យអនុវត្ត និងបឋមសិក្សាអនុវត្តផងដែរ។ អគារបេតិកភណ្ឌ ដែលមានអាយុកាលជាង១០០ឆ្នាំ ត្រូវបានស្តារ និងជួសជុលឡើងវិញ តាមរចនាបថ ដើមទាំងស្រុង។

ទី៤) សាងសង់ខ្លោងទ្វារ របងព័ទ្ធជុំវិញប្រវែង ៦៤២ម៉ែត្រ និងខឿនព័ទ្ធជុំវិញទំហំ ២៥០០ ម៉ែត្រការ៉េ ដោយរក្សារចនាបទដើម និងដើមឈើទាំងអស់នៅលើខឿន។

ទី៥) រៀបចំសួនច្បារ ទីលានកីឡា ចំណតយានជំនិះ អាហារដ្ឋាន ប្រព័ន្ធផ្លូវ ប្រព័ន្ធភ្លើង ប្រព័ន្ធទឹក ប្រព័ន្ធលូ ប្រព័ន្ធសុវត្ថិភាព និងប្រព័ន្ធបច្ចេកវិទ្យា ដើម្បីគាំទ្រដល់ការរៀន និងបង្រៀន ក្នុងបរិបទឌីជីថល។

ទី៦) បំពាក់សម្ភារពិសោធន៍មុខវិជ្ជាវិទ្យាសាស្ត្រ (រូបវិទ្យា គីមីវិទ្យា ជីវវិទ្យា និងផែនដីនិង បរិស្ថានវិទ្យា) នៅក្នុងបន្ទប់ពិសោធន៍ រៀបចំបន្ទប់កុំព្យូរទ័រចំនួន៤បន្ទប់ និងកុំព្យូទ័រ ១២០គ្រឿង បំពាក់ម៉ាស៊ីនមេ (Server) មួយឈុតសម្រាប់រក្សាទិន្នន័យរបស់ វិទ្យាស្ថាន និងសម្រាប់ការគ្រប់គ្រងវិទ្យាស្ថានតាមបែបឌីជីថល ផ្តល់កុំព្យូរទ័រយួរដៃ មួយគ្រឿងជូនដល់គ្រប់គ្រូឧទ្ទេស និងបុគ្គលិក និងទិញសៀវភៅសម្រាប់តម្កល់នៅ ក្នុងបណ្ណាល័យ។

២.២ ការអភិវឌ្ឍផ្នែកទន់ ទន្ទឹមគ្នានឹងការកែទម្រង់ផ្នែករឹង វិទ្យាស្ថានជាតិអប់រំបានសហការជាមួយអង្គភាព ពាក់ព័ន្ធ និងដៃគូអភិវឌ្ឍជាតិ និងអន្តរជាតិ ដើម្បីធ្វើកំណែទម្រង់លើផ្នែកទន់ និងមានលទ្ធផល ដូចខាងក្រោម៖

ទី១.ការបណ្តុះបណ្តាលដំបូង៖ កម្មវិធីបណ្តុះបណ្តាលគ្រូបង្រៀនកម្រិតឧត្តម បរិញ្ញាបត្រ បូក២ ត្រូវបានបង្កើតឡើងដោយផ្អែកលើទស្សនវិជ្ជាអប់រំ ភាពជឿជាក់ ការតម្រង់ទិស ទ្រឹស្តីនៃការរៀននិងបង្រៀន និងតម្រូវការសង្គមនាយុគសម័យឌីជីថល។ នៅពេលបញ្ចប់ ការបណ្តុះបណ្តាល គរុនិស្សិតកម្រិតឧត្តម(បរិញ្ញាបត្រ+២) នឹងទទួលបាននូវ ១).ចំណេះដឹង ២).ជំនាញនៃការគិតវិភាគ ៣).ជំនាញទំនាក់ទំនងអន្តរបុគ្គល និងការទទួលខុសត្រូវ ៤).ជំនាញលេខនព្វន្ត ព័ត៌មានវិទ្យា និងទំនាក់ទំនង និង ៥).ជំនាញចិត្តចលនា។

ទី២. ការបណ្តុះបណ្តាលបន្ត (ការអភិវឌ្ឍវិជ្ជាជីវៈជាប្រចាំ)៖ វិទ្យាស្ថានជាតិអប់រំបាន ផ្តល់ការអភិវឌ្ឍវិជ្ជាជីវៈជាប្រចាំដល់មន្ត្រីគ្រប់គ្រងអប់រំនៅថ្នាក់ជាតិ និងថ្នាក់ក្រោម ជាតិចំនួន ៩វគ្គ មានសិក្ខាកាមសរុប ៥,២៦៩ នាក់ ស្រី ៣,៣៩៥នាក់ លើជំនាញ៖ គរុកោសល្យនិងវិធីសាស្ត្របង្រៀន ការគ្រប់គ្រងសាលារៀន អធិការកិច្ចអប់រំ ការគ្រប់គ្រងបណ្ណាល័យ និងការអប់រំស្ទែម។

ទី៣. ការបណ្តុះបណ្តាលកម្រិតក្រោយបរិញ្ញាបត្រ៖ ១). ថ្នាក់បណ្ឌិតអប់រំ ឯកទេស គ្រប់គ្រងអប់រំមាននិស្សិតសរុប ៥៥នាក់ ២).ថ្នាក់បណ្ឌិតអប់រំ ឯកទេសអភិវឌ្ឍកម្មវិធី សិក្សានិងវិធីសាស្ត្របង្រៀនមាននិស្សិតសរុប ២២នាក់ ៣).ថ្នាក់បរិញ្ញាបត្រជាន់ខ្ពស់ ឯកទេសគ្រប់គ្រងអប់រំមាននិស្សិតសរុប ៤៧៥នាក់ ៤). ថ្នាក់បរិញ្ញាបត្រជាន់ខ្ពស់ ផ្នែកវិធីសាស្ត្របង្រៀនភាសាបារាំងមាននិស្សិតសរុប ៩៥នាក់ ៥).ថ្នាក់បរិញ្ញាបត្រ ជាន់ខ្ពស់ ឯកទេសអធិការកិច្ចអប់រំ មាននិស្សិតសរុប ២៧៩នាក់ ៦). ថ្នាក់បរិញ្ញាបត្រ ជាន់ខ្ពស់អប់រំ ឯកទេសការគ្រប់គ្រងសាលារៀន មាននិស្សិតសរុប ១៣៦នាក់ ៧).ថ្នាក់បរិញ្ញាបត្រជាន់ខ្ពស់អប់រំ ឯកទេសប្រឹក្សាគរុកោសល្យ មាននិស្សិតសរុប ១៣៣នាក់។

ទី៤. ការលើកកម្ពស់សមត្ថភាពគ្រូឧទ្ទេស បុគ្គលិក និស្សិត និងគរុនិស្សិតលើការ ស្រាវជ្រាវអប់រំ និងនវានុវត្តន៍៖ ១). ផ្សារភ្ជាប់សកម្មភាពតម្រង់ទិសស្រាវជ្រាវ និង សកម្មភាពសិក្សាស្រាវជ្រាវទៅនឹងគោលនយោបាយអប់រំ កំណែទម្រង់អប់រំ និងការ បង្រៀន និងរៀន ២).ផ្សារភ្ជាប់ការចូលរួមរបស់សាស្ត្រាចារ្យ និងគ្រូឧទ្ទេសដែលមក ពីដេប៉ាតឺម៉ង់, មហាវិទ្យាល័យ, សាលាផ្សេងៗលើផ្នែកស្រាវជ្រាវ ៣).ជំរុញផលិតភាព ការបោះពុម្ពផ្សាយការស្រាវជ្រាវកម្រិតអន្តរជាតិដែលមានគុណភាពខ្ពស់ និង៤). លើកកម្ពស់លទ្ធផលស្រាវជ្រាវ ដែលពាក់ព័ន្ធនឹងការអនុវត្ត និងការអប់រំឌីជីថល។ គ្រូឧទ្ទេស បុគ្គលិកអប់រំ និស្សិត និងគរុនិស្សិតត្រូវបានលើកទឹកចិត្តឱ្យចងក្រងអត្ថបទ ស្រាវជ្រាវ និងសៀវភៅដើម្បីបោះពុម្ពក្នុងព្រឹត្តិបត្រស្រាវជ្រាវអប់រំទាំងក្នុងប្រទេស និង អន្តរជាតិ។

ទី៥. ការអភិវឌ្ឍវិជ្ជាជីវៈជាប្រចាំដល់គ្រូឧទ្ទេសលើផ្នែកអប់រំស្ទែម៖ គ្រូឧទ្ទេសផ្នែក វិទ្យាសាស្ត្រ និងគណិតវិទ្យាទាំងអស់របស់វិទ្យាស្ថានចំនួន ៤០នាក់ បានទទួលការបំប៉ន សមត្ថភាពផ្នែកអប់រំស្ទែម និងបានក្លាយជាគ្រូឧទ្ទេសថ្នាក់ជាតិសម្រាប់ការបណ្តុះ បណ្តាលការអប់រំស្លែម ជូនដល់គ្រូវិទ្យាល័យនៅទូទាំងប្រទេស។ វិទ្យាស្ថានបានផ្តល់ការបង្វឹកនៅនឹងកន្លែងពាក់ព័ន្ធនឹងការរៀននិងបង្រៀនស្ទែម ការធ្វើពិសោធន៍វិទ្យា សាស្ត្រ កិច្ចការគម្រោង និងការវាយតម្លៃលើការរៀន និងបង្រៀនស្ទែម នៅតាមសាលា មធ្យមសិក្សានៅទូទាំងប្រទេស ជាពិសេសវិទ្យាល័យធនធានចំនួន៥០ និងវិទ្យាល័យ បណ្តាញ។

ទី៦. ការអភិវឌ្ឍសមត្ថភាពផ្នែក ICT និងបញ្ញាសិប្បនិម្មិត AI ដើម្បីលើកកម្ពស់ប្រសិទ្ធ ភាពនៃការបង្រៀន និងរៀន៖ គ្រូឧទ្ទេស និងគរុនិស្សិតបានប្រើប្រាស់បច្ចេកវិទ្យា ព័ត៌មាន និងសារគមនាគមន៍ និងបញ្ញាសិប្បនិម្មិត ដើម្បីបម្រើឱ្យការបង្រៀន និង រៀន។ វិទ្យាស្ថានបានសហការជាមួយអង្គការ KAPE, E-School Cambodia, Wiki- School នាយកដ្ឋានបរិវិត្តកម្មឌីជីថល សាលារៀនជំនាន់ថ្មី មជ្ឈមណ្ឌលស្រាវជ្រាវ គរុកោសល្យជំនាន់ថ្មី និងដៃគូអភិវឌ្ឍអន្តរជាតិ ដើម្បីពង្រឹងសមត្ថភាពគ្រូឧទ្ទេស និង គរុនិស្សិតក្នុងការសរសេរកិច្ចតែងការបង្រៀន ដោយប្រើប្រាស់បញ្ញាសិប្បនិម្មិត។ វិទ្យាស្ថានបានរៀបចំបន្ទប់ស្ទូឌីយោដើម្បីផលិតវីដេអូបង្រៀន ដោយប្រើប្រាស់វិធី សាស្ត្រថ្មីៗ ស្របតាមតម្រូវការសិស្ស និងតម្រូវការសង្គមនាពេលបច្ចុប្បន្ន។

ទី៧. ការបង្កើតសហគមន៍សិក្សាវិជ្ជាជីវៈ (PLC) តាមមុខវិជ្ជា ជាពិសេសលើវិធីសាស្ត្រ បង្រៀនថ្មីៗ ដើម្បីលើកកម្ពស់លទ្ធផលសិក្សារបស់សិស្ស។

ទី៨. ការអភិវឌ្ឍសមត្ថភាពក្នុងការអនុវត្តវិធីសាស្ត្របង្រៀនថ្មី៖ គ្រូឧទ្ទេស និងគរុនិស្សិត ទទួលបាននូវការបណ្តុះបណ្តាលវិធីសាស្ត្របង្រៀនថ្មីៗ រួមមាន៖ វិធីសាស្ត្របង្រៀន តាមបែបរិះរក (Inquiry Based Learning) វិធីសាស្ត្របង្រៀនតាមបែបដោះស្រាយ បញ្ហា (Problem Based Learning) វិធីសាស្ត្របង្រៀនតាមបែបគម្រោង (Project Based Learning) វិធីវិទ្យាសាស្ត្រ (Scientific Method) និងវិធីសាស្ត្របង្រៀនតាម បែប 5Es។ គរុនិស្សិតបានប្រើប្រាស់វិធីសាស្ត្របង្រៀនទាំងនេះនៅក្នុងថ្នាក់ជាក់ស្តែង ដោយមានការសង្កេតពីគ្រូបង្រៀន ការឆ្លុះបញ្ចាំង ការរៀបចំកិច្ចតែងការបង្រៀន ការ បង្រៀនជាក់ស្តែងនៅតាមសាលាគោលដៅ ការសិក្សាពីមេរៀន (Lesson Study) និងការប្រជុំបច្ចេកទេស។

ទី៩. សកម្មភាពក្រៅម៉ោងសិក្សា៖ គ្រូឧទ្ទេស និងគរុនិស្សិតត្រូវបានលើកទឹកចិត្តឱ្យ ចូលរួម និងអនុវត្តសកម្មភាពក្រៅម៉ោងសិក្សា តាមរយៈការចូលរួមសិក្ខាសាលា ទស្សនកិច្ចសិក្សា ដោយបានអញ្ជើញនាយកសាលាដែលមានស្នាដៃល្អ និងមន្ត្រីអប់រំ ដែលមានបទពិសោធន៍ មកចែករំលែកឧត្តមានុវត្ត និងបានរៀបចំកម្មវិធីពុទ្ធសាសនាផ្សារភ្ជាប់នឹងការអប់រំ ។ល។ គរុនិស្សិតកម្រិតឧត្តម ត្រូវចូលរួមសិក្ខាសាលាយ៉ាងតិច ២ដង និងចូលរួមស្តាប់បឋកថាតាមការចាត់តាំងរបស់វិទ្យាស្ថាន នៅក្នុងរយៈពេលនៃ ការបណ្តុះបណ្តាល។ វិទ្យាស្ថានបានសហការជាមួយអង្គការ SEAMEO-RELC និង SEAMEO-INNOTECH ដើម្បីបំប៉នសមត្ថភាពផ្នែកភាសាអង់គ្លេស និងការគ្រប់គ្រង អប់រំ តាមរយៈការសិក្សាពីចម្ងាយ។

ទី១០. ការដឹកនាំ និងការៀបចំក្លឹបសិក្សាគរុនិស្សិត៖ គ្រូឧទ្ទេសបានបង្កើត និងសម្រប សម្រួលក្លឹបសិក្សាតាមមុខវិជ្ជាគោលទាំង១៩ ដោយផ្តោតការស្រាវជ្រាវលើ ៥ បណ្ដុំ ស្មើនឹង ១១៣ ប្រធានបទ និងរៀបចំក្លឹបសិក្សាបន្ថែមមានចំនួន ១០ ក្លឹប។ ក្លឹបសិក្សា ជាសកម្មភាពក្រៅម៉ោងសិក្សា ដោយផ្សារភ្ជាប់ចំណេះដឹងទៅនឹងខ្លឹមសារមេរៀន និង ជាមួយកិច្ចការគម្រោង ដើម្បីឆ្លើយតបទៅនឹងការប្រតិបត្តិវិជ្ជាជីវៈនៃស្តង់ដាវិជ្ជាជីវៈ គ្រូបង្រៀន។

ទី១១. ការដឹកនាំ និងរៀបចំតាំងពិពណ៌ស្នាដៃគរុនិស្សិត៖ ក្នុងមួយឆ្នាំសិក្សា គរុនិស្សិត ត្រូវរៀបចំការតាំងពិព័រណ៍អប់រំចំនួន២ដង ដោយផ្តោតលើវិធីសាស្ត្របង្រៀន ការ ផលិតសម្ភារឧបទេស កិច្ចតែងការបង្រៀន ការសរសេរសៀវភៅជំនួយស្មារតី និង ឧបករណ៍នវានុវត្តន៍។

ទី១២. ការលើកកម្ពស់ការដឹកនាំ ការគ្រប់គ្រង និងអភិបាលកិច្ចល្អ៖ ដើម្បីធានាបាននូវ ប្រសិទ្ធភាពនៃការអនុវត្តការងារ វិទ្យាស្ថានបានរៀបចំនីតិវិធីប្រតិបត្តិស្តង់ដា ដើម្បី ធានាការអភិវឌ្ឍប្រកបដោយនិរន្តរភាព តម្លាភាព ឧត្តមភាព និងនវានុវត្តន៍ រួមបញ្ចូល ទាំងការពង្រឹងសេវាបណ្តុះបណ្តាល ការតែងតាំងនិងការចាត់តាំងបុគ្គលិក និងការ ពង្រឹងអភិបាលកិច្ចតាមបែបឌីជីថល។

ទី១៣. ការវាយតម្លៃគ្រូឧទ្ទេស៖ វិទ្យាស្ថានបានសហការជាមួយដៃគូអភិវឌ្ឍរៀបចំ ឧបករណ៍វាយតម្លៃគ្រូឧទ្ទេស ដោយមានឧបករណ៍ចំនួន៣គឺ ទម្រង់សង្កេតថ្នាក់រៀន ទម្រង់ស្វ័យវាយតម្លៃរបស់គ្រូឧទ្ទេស និងទម្រង់ស្ទង់មតិគរុនិស្សិត។

ទី១៤. ការលើកកម្ពស់សុខភាពសិក្សា៖ ដើម្បីគាំទ្រដល់ការលើកកម្ពស់គុណភាពនៃការ បណ្តុះបណ្តាលនៅវិទ្យាស្ថានជាតិអប់រំ សេវាសុខភាពសិក្សា ដើរតួនាទីយ៉ាងសំខាន់។

ចំណែកឯ និស្សិត និងគរុនិស្សិត ដែលបានបញ្ចប់ការសិក្សាដោយជោគជ័យមានចំនួន សរុប ២៧៥នាក់ ស្រី១១៩ នាក់ ក្នុងនោះ និស្សិតបណ្ឌិត ឯកទេសគ្រប់គ្រងអប់រំ ជំនាន់ទី១ ចំនួន ៤ នាក់, និស្សិត ឯកទេសអធិការកិច្ចអប់រំ ជំនាន់ទី៧ ចំនួន១៩នាក់, និស្សិតបរិញ្ញាបត្រ ជាន់ខ្ពស់អប់រំ ឯកទេសវិជ្ជាជីវៈនាយកសាលាមធ្យមសិក្សាទុតិយភូមិ ជំនាន់ទី៦ ចំនួន១៥នាក់ ជំនាន់ទី៧ ចំនួន១៦នាក់, និស្សិតបរិញ្ញាបត្រជាន់ខ្ពស់ ឯកទេសគ្រប់គ្រងអប់រំ ជំនាន់ទី១០ ចំនួន៣៤នាក់ ជំនាន់ទី១១ ចំនួន៤២នាក់, និស្សិតបរិញ្ញាបត្រជាន់ខ្ពស់ ឯកទេសវិធីសាស្ត្រ បង្រៀនភាសាបារាំង ជំនាន់ទី៣ ចំនួន១៤នាក់ ជំនាន់ទី៤ ចំនួន៩នាក់, និស្សិតបរិញ្ញាបត្រជាន់ ខ្ពស់ ឯកទេសប្រឹក្សាគរុកោសល្យជំនាន់ទី៤ ចំនួន២៤នាក់, និងគរុនិស្សិតបរិញ្ញាបត្រជាន់ខ្ពស់ អប់រំវិជ្ជាជីវៈគ្រូបង្រៀនកម្រិតឧត្តម (បរិញ្ញាបត្រ+២) ជំនាន់ទី១ ចំនួន៩៨នាក់។

សមិទ្ធផលទាំងអស់ដូចបានរៀបរាប់ខាងលើ បានបង្ហាញឱ្យឃើញពីការខិតខំប្រឹងប្រែង ប្រកបដោយផ្លែផ្ការបស់ថ្នាក់ដឹកនាំនៃរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃរបស់ សម្តេចអគ្គមហាសេនាបតីតេជោអតីតនាយករដ្ឋមន្ត្រី និង សម្តេចមហាបវរ ធិបតីនាយករដ្ឋមន្ត្រី ដែលជានិច្ចជាកាលតែងយកចិត្តទុកដាក់លើវិស័យអប់រំ និងចាត់ទុក វិស័យអប់រំជាយុទ្ធសាស្ត្រដើម្បីកំណើនសេដ្ឋកិច្ច និងអភិវឌ្ឍធនធានមនុស្សសម្រាប់សង្គមជាតិ កម្ពុជា៕

ដោយ៖ គង់ សិរីរ័ត្ន