AKP ប៉េកាំង ថ្ងៃទី១៩ ខែឧសភា ឆ្នាំ២០២៥ -- ពិធីសម្ភោធសៀវភៅនៃការបោះពុម្ភផ្សាយស្តីពី «ការបោះពុម្ពផ្សាយរបស់ចិនស្តីពីរូបិយប័ណ្ណពិភពលោក» ត្រូវបានប្រារព្ធធ្វើឡើងនៅទីក្រុងប៉េកាំង កាលពីព្រឹកថ្ងៃទី១៩ ខែឧសភា ឆ្នាំ២០២៥ នេះ ដោយមានការចូលរួមជាគណអធិបតីដោយលោក ហុង ឡី (Hong Lei) ឧបការីរដ្ឋមន្ត្រីការបរទេសចិន និងមានការចូលរួមពីបណ្តាឯកអគ្គរដ្ឋទូតប្រចាំប្រទេសចិនមកពីប្រទេសជាង១០ ដែលរួមមានអេហ្ស៊ីប អាល់ហ្សេរី ហ្វីជី និងស្រីលង្កា ព្រមទាំងមន្ត្រីការទូតជាន់ខ្ពស់ផងដែរ។ មិនតែប៉ុណ្ណោះ ក៏មានការចូលរួមដោយលោក វ៉ាង ហៃហួយ (Wang Haihuai) អ្នកគ្រប់គ្រងទូទៅនៃក្រុមហ៊ុនសំណង់ចិន (CCCC) លោក វូ សាងហ្ស៊ី (Wu Shangzhi) ប្រធានសមាគមទស្សនាវដ្តីចិន និងថ្នាក់ដឹកនាំនៃសហគ្រាសកណ្តាលពាក់ព័ន្ធ អ្នកសារព័ត៌មានអន្តរជាតិ ព្រមទាំងអ្នកចូលរួមផ្សេងទៀតប្រមាណ ១០០នាក់។

​ជាមួយនឹងការបន្តធ្វើឱ្យកាន់តែស៊ីជម្រៅនៃការផ្លាស់ប្តូរ និងកិច្ចសហប្រតិបត្តិការរវាងប្រទេសចិន និងប្រទេសដទៃទៀត រូបិយប័ណ្ណនៃប្រទេសជាច្រើនមានធាតុផ្សំដូចជាសមិទ្ធិផលនៃការរួមគ្នាកសាងគម្រោង «ខ្សែក្រវាត់ និងផ្លូវ» ជាមួយប្រទេសចិន។ ក្នុងនាមជាសហគ្រាសវប្បធម៌កណ្តាលដែលមានបទពិសោធន៍សម្បូរបែបក្នុងការផ្លាស់ប្តូរវប្បធម៌អន្តរជាតិ និងអស់រយៈពេលជាង ៩០ឆ្នាំកន្លងមកនៃប្រវត្តិសាស្រ្តនៃការបោះពុម្ពផ្សាយប្រកបដោយវិជ្ជាជីវៈ សារព័ត៌មានកិច្ចការពិភពលោកបានចាប់យកការគូសបញ្ជាក់ដ៏ទាន់ពេលវេលាមួយ ហើយបានបង្កើតសៀវភៅមួយក្បាល ដែលផ្តោតសំខាន់ទៅលើការបោះពុម្ពផ្សាយរបស់ចិនស្តីពីរូបិយប័ណ្ណពិភពលោក កាក់ និងក្រដាសប្រាក់ចំនួន១២១ ពីប្រទេសចំនួន៥៨ ដែលត្រូវបានជ្រើសរើស និងរៀបរាប់យ៉ាងរស់រវើកនូវរឿងរ៉ាវដែលមិនអាចបំភ្លេចបាននៃមិត្តភាពជាប្រវត្តិសាស្ត្រ និងយូរអង្វែង ការផ្លាស់ប្តូរវប្បធម៌ចម្រុះ និងកិច្ចសហប្រតិបត្តិការជាក់ស្តែងប្រកបដោយផ្លែផ្ការវាងប្រទេសចិន និងបណ្តាប្រទេសពាក់ព័ន្ធ ដែលបង្ហាញពីកិច្ចខិតខំប្រឹងប្រែងឥតឈប់ឈរ និងសមិទ្ធិផលដ៏អស្ចារ្យដែលភាគីទាំងពីរបានធ្វើឡើងក្នុងការកសាងសហគមន៍មួយដែលមានអនាគតរួមគ្នាសម្រាប់មនុស្សជាតិ ទាំងភាសាចិន និងអង់គ្លេស។

ដើម្បីលើកកម្ពស់ទំនាក់ទំនងមិត្តភាពរវាងចិន និងបរទេស និងបង្ហាញពីសមិទ្ធិផលនៃកិច្ចសហប្រតិបត្តិការទ្វេភាគី សារព័ត៌មានកិច្ចការពិភពលោកនឹងរៀបចំការចេញផ្សាយសៀវភៅថ្មី និងបញ្ហាពិសេសនៃការបោះពុម្ពផ្សាយចិនស្តីពីរូបិយប័ណ្ណពិភពលោក និងសិក្ខាសាលាក្រោមប្រធានបទស្តីពីសមិទ្ធិផល សេចក្តីប្រាថ្នា និងទស្សនវិស័យនៃកិច្ចសហប្រតិបត្តិការខ្សែក្រវ៉ាត់ និងផ្លូវ៕

ដោយ៖ យា ចិន្តាខន្តី