AKP កំពង់ស្ពឺ ថ្ងៃទី២០ ខែឧសភា ឆ្នាំ២០២៥–សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញជាអធិបតី ក្នុងពិធីសម្ពោធដាក់ឱ្យដំណើរការជាផ្លូវការ រោងចក្រផលិត ស៊ីម៉ងត៍ ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក ស្ថិតនៅស្រុកឱរ៉ាល់ ខេត្តកំពង់ស្ពឺ។

សហគ្រាស ខនស៍ គ្រុប គឺជាសហគ្រាសឧស្សាហកម្មឈានមុខគេ ក្នុងវិស័យឧស្សាហកម្មសម្ភារៈសំណង់ប្រកាន់ ខ្ជាប់នូវទស្សនៈ - បង្កើតទីកន្លែងរស់នៅសម្រាប់មនុស្សជាតិនាពេលអនាគត និងបានចូលរួមយ៉ាងសកម្មក្នុង ការឆ្លើយតបនឹងគំនិតផ្តួចផ្តើម -ផ្លូវមួយខ្សែក្រវាត់មួយ» ជួយជំរុញការអភិវឌ្ឍជាតិ-អន្តរជាតិ ប្រកបដោយប្រសិទ្ធ ភាព បង្កើតខ្សែក្រវាត់បៃតង និងបន្តពន្លឿនវិស័យឧស្សាហកម្មនៅក្នុងតំបន់អាស៊ីអាគ្នេយ៍ អាស៊ីកណ្តាល និងវិស័យអចល នទ្រព្យ-ល-។ 

បច្ចុប្បន្ននេះ ក្រុមហ៊ុនស៊ីម៉ងត៍ប្រទេសចិន មានការវិនិយោគធំជាងគេនៅក្រៅប្រទេស ដែលជំរុញកិច្ចសហប្រតិបត្តិការក្នុងតំបន់ និងការអភិវឌ្ឍន៍ប្រកបដោយនិរន្តរភាព។ ក្រុមហ៊ុនស៊ីម៉ងត៍ ខនស៍ បានវិនិយោគប្រមាណ ៤៨០លាន ដុល្លារអាម៉េរិក នៅក្នុងប្រទេសកម្ពុជា បង្កើតឱកាសការងារក្នុងស្រុកជិត ១០០០កន្លែង និងជាប្រយោលប្រមាណ ៣០០០ កន្លែង ហើយបានក្លាយជារោងចក្រផលិតស៊ីម៉ងត៍ដ៏ធំជាងគេនៅក្នុងប្រទេសកម្ពុជា។

រោងចក្រផលិតស៊ីម៉ងត៍ ក្រុមហ៊ុន ខនស៍ ខេធី ស៊ីមេន (ភ្នំពេញ) ឯ.ក ជាគម្រោងរោងចក្រស៊ីម៉ងត៍ខ្នាតធំទី២ ដែលបានវិនិយោគនិងសាងសង់ដោយសហគ្រាស ខនស៍ គ្រុប ក្នុងប្រទេសកម្ពុជា។ ដោយមានការគាំទ្រពីរាជរដ្ឋាភិបាលកម្ពុជា គ្រប់ជាន់ថ្នាក់ និងការវិនិយោគរួមគ្នារវាងក្រុមហ៊ុន ខេធី ប៉ាស៊ីហ្វិច គ្រុប ធ្វើឱ្យគម្រោងត្រូវបានបញ្ចប់ដោយជោគជ័យ និង ដាក់ឱ្យដំណើរការផលិតដោយកំណត់នូវស្តង់ដារថ្មី សម្រាប់កិច្ចសហប្រតិបត្តិការជាក់ស្តែងរវាងប្រទេសកម្ពុជា-ចិន និងរួម បញ្ចូលកម្លាំងថាមពលវិជ្ជមានក្នុងការលើកកម្ពស់ការអភិវឌ្ឍសេដ្ឋកិច្ច សង្គម និងការកសាងហេដ្ឋារចនាសម្ព័ន្ធរបស់ កម្ពុជា។

មានសុភាសិតខ្មែរមួយឃ្លាថា-ទំនុកចិត្តប្រៀបបាននិងដើមឈើ នាពេលអនាគតរួមគ្នាបន្តសហការកាន់តែស៊ីជម្រៅដោយមានទំនុកចិត្ត ធ្វើឱ្យទីផ្សារកម្ពុជាកាន់តែរីកចម្រើន និងពង្រឹងលើវិស័យថាម ពលស្អាត ឌីជីថលភាវូបនីយកម្ម ទំនើបកម្ម ឧស្សាហកម្មក្នុងស្រុក និងវិស័យផ្សេងៗទៀត។ 

ចំណងមិត្តភាពរវាងកម្ពុជា-ចិននឹងកាន់តែស្អិតល្មួត និងស្ថិតស្ថេរ។ កិច្ចសហប្រតិបត្តិការរវាងភាគីទាំងពីរនឹងដូចទឹកទន្លេមេ គង្គហូរឆ្ពោះទៅមុខយ៉ាងលឿន៕

ដោយ៖ គង់ សិរីរ័ត្ន