AKP ភ្នំពេញ ថ្ងៃទី១៩ ខែឧសភា ឆ្នាំ២០២៥ --យោធាកូរ៉េខាងត្បូងបាននិយាយថា ខ្លួន និងសហរដ្ឋអាមេរិកបានរួមគ្នាធ្វើសមយុទ្ធដឹកជញ្ជូនតាមអាកាសជាប្រចាំ ដែលជាផ្នែកនៃកិច្ចខិតខំប្រឹងប្រែងដើម្បីរក្សាការត្រៀមខ្លួនប្រតិបត្តិការរួមគ្នា។

សមយុទ្ធដែលមានរយៈពេលប្រាំបីថ្ងៃបានចាប់ផ្តើមកាលពីថ្ងៃសុក្រសប្តាហ៍មុន ដោយបានចល័តកងទ័ពប្រហែល ២២០នាក់មកពីផ្នែកឆ្លើយតបរហ័សទី២ របស់ប្រទេសកូរ៉េខាងត្បូង កងនាវាចរសមុទ្រទីមួយរបស់សហរដ្ឋអាមេរិក និងផ្នែកផ្សេងទៀត រួមជាមួយនឹងយន្តហោះចំនួន ១០គ្រឿង រួមទាំងយន្តហោះដឹកជញ្ជូន C-130 និងយន្តហោះ CN-235 ។

សមយុទ្ធនេះធ្វើឡើងក្រោមសេណារីយ៉ូក្នុងសម័យសង្គ្រាម ដោយយន្តហោះហោះហើររវាងតំបន់ជួរមុខ និងខាងក្រោយ រួមទាំងទីក្រុងព្រំដែនប៉ូឆុន និងទីក្រុងជីមហេ ភាគអាគ្នេយ៍ ដើម្បីទម្លាក់ការផ្គត់ផ្គង់សម្ភារៈបរិក្ខារ និងយានជំនិះ។

នេះ​ជា​លើក​ទី​មួយ​ហើយ​ដែល​យន្តហោះ​ដឹក​ជញ្ជូន KC-130J របស់​កងម៉ារីន​សហរដ្ឋអាមេរិក​បាន​ចូល​រួម​ក្នុង​សមយុទ្ធ​ជា​ប្រចាំ៕

ដោយ៖ មូល មិនា (ប្រភព៖ យ៉ុនហាប់)