AKP ភ្នំពេញ ថ្ងៃទី១៩ ខែឧសភា ឆ្នាំ២០២៥ -- អ្នកនាំពាក្យក្រសួងការបរទេសចិនបានប្រកាសកាលពីថ្ងៃសុក្រថា ឧបនាយករដ្ឋមន្ត្រីចិន លោក លីវ ហ្គូវហ្សុង (Liu Guozhong) នឹងចូលរួមមហាសន្និបាតសុខភាពពិភពលោកលើកទី៧៨ នៅទីក្រុងហ្សឺណែវ និងបំពេញទស្សនកិច្ចនៅប្រទេសស្វីស បន្ទាប់មកទៅបំពេញទស្សនកិច្ចនៅប្រទេសបេឡារុស្ស និងធ្វើជាប្រធានកិច្ចប្រជុំលើកទី៦ នៃគណៈកម្មាធិការអន្តររដ្ឋាភិបាលចិន-បេឡារុស្ស ពីថ្ងៃទី១៨ ដល់ថ្ងៃទី២៣ ខែឧសភា។

អ្នកនាំពាក្យរូបនេះបាននិយាយថា ដំណើរទស្សនកិច្ចរបស់លោក លីវ ដែលជាសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនិស្តចិន ធ្វើឡើងតាមការអញ្ជើញរបស់អគ្គនាយកអង្គការសុខភាពពិភពលោក លោក តេដ្រូស អាដានុម ហ្គេប្រេយេស៊ូស (Tedros Adhanom Ghebreyesus) និងរដ្ឋាភិបាលនៃប្រទេសស្វីស និងបេឡារុស្ស៕

ដោយ៖ មូល មិនា (ប្រភព៖ ភីបផលដេលី)