AKP ភ្នំពេញ ថ្ងៃទី១៦ ខែឧសភា ឆ្នាំ២០២៥ -- ទិន្នន័យផ្លូវការបានបង្ហាញថា ទំហំពាណិជ្ជកម្មទ្វេភាគីរវាងប្រទេសចិន និងកូឡុំប៊ីបានកើនឡើង ១៣,១% ពីមួយឆ្នាំទៅមួយឆ្នាំឈានដល់ ១៤៩,៦៣ប៊ីលានយ័ន (ប្រហែល ២០,៨ប៊ីលានដុល្លារអាម៉េរិក) ក្នុងឆ្នាំ២០២៤ បានកើនលើសពី ១២០ប៊ីលានយ័នសម្រាប់ឆ្នាំទី៤ ជាប់ៗគ្នា។

យោងតាមរដ្ឋបាលទូទៅនៃគយ បានឱ្យដឹងថា ពាណិជ្ជកម្មរវាងប្រទេសទាំងពីរបានឈានដល់កម្រិតខ្ពស់បំផុតចំនួន ៤៨,៣៤ប៊ីលានយ័នក្នុងរយៈពេល ៤ខែដំបូងនៃឆ្នាំ២០២៥ ដែលជាការកើនឡើង ៨,៥% ពីមួយឆ្នាំទៅមួយឆ្នាំ។

ចាប់តាំងពីបង្កើតទំនាក់ទំនងការទូតកាលពី ៤៥ឆ្នាំមុន ប្រទេសទាំងពីរបានឃើញការរីកចម្រើនឥតឈប់ឈរនៃទំនាក់ទំនងសេដ្ឋកិច្ច និងពាណិជ្ជកម្មជាមួយនឹងផ្លែផ្កាជាក់ស្តែង។

ឥឡូវនេះប្រទេសចិនគឺជាដៃគូពាណិជ្ជកម្មធំទីពីររបស់ប្រទេសកូឡុំប៊ី ខណៈដែលប្រទេសកូឡុំប៊ីជាប់ចំណាត់ថ្នាក់ជាដៃគូពាណិជ្ជកម្មធំជាងគេទីប្រាំរបស់ប្រទេសចិននៅតំបន់អាមេរិកឡាទីន។ ផលិតផលកសិកម្មរបស់ប្រទេសកូឡុំប៊ី រាប់ចាប់ពីដំណាំកាហ្វេរហូតដល់ការកាត់ដើមផ្កាកំពុងទទួលបានប្រជាប្រិយភាពកាន់តែខ្លាំងឡើងនៅក្នុងទីផ្សារប្រទេសចិន៕

ដោយ៖ មូល មិនា (ប្រភព៖ ស៊ីនហួ)