AKP ភ្នំពេញ ថ្ងៃទី៨ ខែឧសភា ឆ្នាំ២០២៥--ឯកឧត្តមសន្តិបណ្ឌិត ឡូយ សុផាត ប្រធានក្រុមមិត្តភាពសភាកម្ពុជា-ទ្បាវ និងជាប្រធានគណៈ ផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុ និយមនៃរដ្ឋសភា (គណៈកម្មការទី៣) និងឯកឧត្តម ឧត្តមសេនីយ៍ វង្សស័ក ផាន់ថាវង្ស (VongSack PHANTHAVONG) ប្រធានក្រុមមិត្តភាពសភាទ្បាវ-កម្ពុជា និងជាប្រ ធានគណៈ កម្មាធិការការពារជាតិ និងសន្តិសុខ នៃសភាឡាវ បានប្តេជ្ញារួមគ្នាបន្តពង្រឹង ពង្រីកកិច្ចសហប្រតិ បត្តិការរវាងសភាប្រទេសទាំង ពីរឱ្យកាន់តែប្រសើររឹងមាំ និងគ្រប់ជ្រុង ជ្រោយបន្ថែមទៀត។ 

បានប្តេជ្ញាចិត្តរួមគ្នានៅក្នុងការពង្រឹងពង្រីកកិច្ចសហប្រតិបត្តិការរវាងរដ្ឋសភានៃប្រទេសទំាងពីរការប្តេជ្ញាចិត្តរួមគ្នារវាងប្រធានក្រុមមិត្តភាពនៃសភាប្រទេសទំាងពីរ បានធ្វើឡើងនៅក្នុងជំ នួបពិភាក្សាទ្វេភាគី នារសៀលថ្ងៃទី៧ ខែឧសភា ឆ្នាំ២០២៥ នៅវិមានរដ្ឋសភា ខណៈដែលឯកឧត្តម ឧត្តមសេនីយ៍ វង្សស័ក ផាន់ថាវង្ស (Vong Sack PHANTHAVONG) បានដឹកនាំគណៈប្រតិភូមកបំពេញទស្សនកិច្ចផ្លូវការ និងមិត្តភាពនៅព្រះរាជាណាចក្រកម្ពុជា ចាប់ពីថ្ងៃទី៦ ដល់ថ្ងៃទី១១ ខែឧសភា ឆ្នាំ ២០២៥។ នៅក្នុងជំនួបពិភាក្សាទ្វេរភាគីនោះ ឯកឧត្តមសន្តិបណ្ឌិត ឡូយ សុផាត បានគូសបញ្ជាក់ថា ការពិភាក្សាផ្លាស់ប្តូរទស្សនៈមតិ យោបល់ និងបទពិសោធន៍ជាក់ស្តែង រវាងគ្នាទៅវិញទៅមក ប្រកបដោយភាពស្និទ្ធស្នាលត្រង់ទៅត្រង់មក និងដោយភាពជឿទុកចិត្តលើគ្នានេះ វាជាមូលដ្ឋា នគ្រឹះដ៏រឹងមាំក្នុងការបន្តពង្រឹងពង្រីក និងលើកកម្ពស់នូវចំណងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការគ្រប់ជ្រុងជ្រោយទាំង បច្ចុប្បន្ននិង បន្តទៅអនាគត។ ភាគីទាំងពីរក៏បានលើកឡើង ដោយឆ្លុះបញ្ចាំងពីវឌ្ឍនភាព នៃដៃគូយុទ្ធសាស្ត្រគ្រប់ជ្រុងជ្រោយ និងយូរអង្វែងរវាងប្រទេសទាំងពីរ ទាំងក្នុងក្របខ័ណ្ឌ "បក្ស រដ្ឋ និងសភា" ដែលជាមូលដ្ឋានគ្រឹះ ដ៏រឹងមាំក្នុងការបន្តពង្រឹង និងពង្រីកទំនាក់ទំនង និងកិច្ចសហប្រតិបត្តិការទ្វេរភាគីដែលមាន ស្រាប់ឱ្យកាន់ តែរឹងមាំ ស្ថិតស្ថេរ និងស៊ីជម្រៅបន្ថែមទៀតលើគ្រប់វិស័យ។ ភាគីទាំងពីរ បានបង្ហាញនូវការប្ដេជ្ញាយ៉ាងមុះមុត ក្នុងការអនុវត្តនូវកិច្ចព្រមព្រៀង និងអនុស្ស រណៈនៃការយោគយល់គ្នានានារវាងប្រមុខរដ្ឋាភិបាលទាំងពីរ ដែលបានឯកភាពគ្នា កាលពីពេលកន្លងមក និងកាលពីខែមីនា ឆ្នាំ២០២៤ កន្លងទៅ ក្នុងដំណើរទស្សនកិច្ចផ្លូ វការរបស់សម្តេចមហាធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ទៅកាន់ប្រទេសឡាវ រដ្ឋាភិបាលនៃប្រទេសទាំងពីរក៏បានឯកភាពគ្នាចុះកិច្ចព្រមព្រៀង និងអនុស្សរណៈយោគយល់គ្នាចំនួន៧ លើវិស័យសំខាន់ៗ ក្នុងនោះមាន "វិស័យថាមពល ពាណិជ្ជកម្ម អប់រំទេសចរណ៌ សន្តិសុខ ការពារជាតិ និងការបង្ក្រាបការជួញដូរគ្រឿងញៀន និងមនុស្សឆ្លងកាត់ព្រំដែន" ជាដើម។ 

ឯកឧត្តម ឧត្តមសេនីយ៍ វង្សស័ក ផាន់ថាវង្ស បានជម្រាបអំពីតួនាទី ភារកិច្ច ការងារ និងកំណែទម្រង់របស់រដ្ឋសភាឡាវ បច្ចុប្បន្នជូនក្រុមមិត្តភាពរដ្ឋសភាកម្ពុជា ឡាវ បានជ្រាប និងបានស្នើដល់ក្រុមមិត្តភាពរដ្ឋសភាកម្ពុជា ជួយជំរុញកំណត់ហេតុ ដែលចុះហត្ថលេ ខាកាលពីឆ្នាំ២០២២ កន្លងមកនោះ សូមឱ្យសភាកម្ពុជា និងស្ថាប័នពាក់ព័ន្ធ មេត្តាបន្តនូវសុ ពលភាពជួយជំរុញគណៈកម្មការឯកទេសព្រំដែនរវាងប្រទេសទាំងពីរឱ្យក្លាយជាព្រំដែនមានសន្តិភាព ស្ថិរភាព និងអភិវឌ្ឍន៍ និងស្នើឱ្យភាគីពាក់ព័ន្ធបន្តអនុវត្តតាមសន្ធិសញ្ញាឆ្នាំ ២០២៣ កន្លងមក ដើម្បីឈានទៅការបោះបង្គោលព្រំដែនឱ្យបានចប់សព្វគ្រប់តាមកិច្ចព្រមព្រៀង ទ្វេរភាគីកន្លងមកប្រកបដោយប្រសិទ្ធភាពខ្ពស់នៃប្រទេសទាំងពីរ។

ឯកឧត្តមប្រធានប្រតិភូឡាវ បានសម្តែងការកោតសរសើរ ចំពោះការរីកច្រើនយ៉ាង ខ្លំាងរបស់ កម្ពុជា និងបានវាយតម្លៃខ្ពស់ ចំពោះទំនាក់ទំនង និងកិច្ចសហប្រតិបត្តិការដ៏ល្អ រវាងប្រទេសទំាងពីរ ទំាងវិស័យស្ថាប័ននីតិប្បញ្ញត្តិ និងនីតិប្រតិបត្តិ។ ឯកឧត្តម បានស្នើសុំក្រុមមិត្តភាពសភាកម្ពុជា-ទ្បាវ ជួយជំរុញទំនាក់ ទំនងប្រជាពលរដ្ឋនៃ ប្រទេសទំាងពីរ ជាពិសេសពលរដ្ឋរស់នៅតាមបន្ទាត់ព្រំដែននៃប្រទេសទាំងពីរឱ្យកាន់តែ មានភាពជិតស្និទ្ធគ្នាឡើង ក្នុងការកសាងបន្ទាត់ព្រំដែនកម្ពុជា- ឡាវ ឱ្យក្លាយជាព្រំដែន សុខសន្តិភាព និងអភិវឌ្ឍន៍ប្រកបដោយចីរភាពតរៀងទៅ។ឯកឧត្តមប្រធានប្រតិភូសភាឡាវ ក៏បានគោរពអញ្ចើញ ឯកឧត្តមសន្តិបណ្ឌិត ឡូយ សុផាត និងក្រុមមិត្តភាពសភាកម្ពុជា-ទ្បាវ មានឱកាសអញ្ជើញទៅទស្សនកិច្ចនៅសាធារណរដ្ឋប្រជាធិ បតេយ្យប្រជាមានិតឡាវ នាពេលខាងមុខ។ ឯកឧត្តមសន្តិបណ្ឌិត ឡូយ សុផាត បានថ្លែងអំណរគុណ និងសម្ដែងការអបអរសាទរ ចំពោះសមិទ្ធផលដ៏ធំធេងដែលថ្នាក់ដឹកនាំ និងប្រជាជនឡាវសម្រេចបាន ជាមួយនឹងជំ នឿយ៉ាងមុតមាំថា "ក្រោមការ ដឹកនាំដ៏ភ្លឺស្វាងរបស់បក្សប្រជាជនបដិវត្តឡាវ ដែលមានឯ កឧត្តម ថងលុន ស៊ីសូលីត ជាប្រធានរដ្ឋ ឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្រ្តី និងឯកឧត្តម សាយសំភូន ភូមិវិហាន ប្រធានរដ្ឋសភានៃសាធារណរដ្ឋប្រជាធិបតេយ្យប្រជា មានិតទ្បាវ នឹងបន្តទទួលជោគជ័យថ្មីៗ ថែមទៀត៕

ដោយ៖ ប៊ុនរិទ្ធ